ஹெனேகம பகுதியில் இடம்பெற்ற விபத்தில் இளம்ஜோடி உயிரிழந்துள்ளது.
கடந்த 9ஆம் திகதி இந்த விபத்து நிகழ்ந்தது. இளம் ஜோடி பயணித்த மோட்டார் சைக்கிள், மற்றொரு மோட்டார் சைக்கிளுடன் மோதியது; அதைத் தொடர்ந்து சாலையில் சென்றுகொண்டிருந்த பேருந்து ஒன்றின் மீதும் மோதியதில் இருவரும் பலத்த காயமடைந்தனர்.
விபத்து நடந்த இடத்திலேயே இளைஞன் பரிதாபமாக உயிரிழந்தார்; அவரது உடல் ரடாவன கிராமிய மருத்துவமனையின் பிரேத அறைக்குக் கொண்டு செல்லப்பட்டது. பலத்த காயமடைந்திருந்த இளம்பெண், கம்பஹா மாவட்டப் பொது மருத்துவமனையில் அனுமதிக்கப்பட்ட பின்னர் உயிரிழந்தார்.
ஆர்.டபிள்யூ. கிஹான் ரண்டீல் ராஜபக்ஷ (26), ஜே.பி. நதீஷனி தேஜா (26) ஆகியோரே உயிரிழந்தனர். இவர்கள் கடந்த ஜனவரி மாதமே திருமணம் செய்து கொண்டனர். பாடசாலை காலத்திலிருந்தே காதலர்களான இவர்கள், இம்புல்கொட-கிரில்லாவல பொது மயானத்தில் ஒரே கல்லறையில் அடக்கம் செய்யப்பட்டனர்.
