கொழும்பு தேசிய மருத்துவமனையில் சிகிச்சை பெற்று வந்த அரச புலனாய்வு சேவையின் முன்னாள் பணிப்பாளர், ஓய்வுபெற்ற மேஜர் ஜெனரல் சுரேஷ் சாலே, சிகிச்சை நிறைவடைந்ததைத் தொடர்ந்து இன்று (06) பிற்பகல் அங்கிருந்து அழைத்துச் செல்லப்பட்டார்.
சுரேஷ் சாலேவின் உடல்நிலையை பரிசோதித்த பத்து பேர் கொண்ட மருத்துவ நிபுணர்கள் குழு, அவர் மருத்துவமனையிலிருந்து வெளியேறத் தகுதியானவர் என்று இன்று (06) கொழும்பு நீதவான் நீதிமன்றத்திற்குத் தெரிவித்தது.
இந்த அறிவிப்பைத் தொடர்ந்து, மருத்துவமனையிலிருந்து விடுவிக்கப்பட்டதும் சுரேஷ் சல்லே மீண்டும் குற்றப் புலனாய்வுத் திணைக்களத்தின் (CID) காவலில் எடுத்துக்கொள்ளப்படுவார் என்று மேலதிக சொலிசிட்டர் ஜெனரல் திலிப பீரிஸ் நீதிமன்றத்திற்குத் தெரிவித்தார். அதற்கிணங்க, அவர் தொடர்பான மேலதிக விசாரணைகள் குற்றப் புலனாய்வுத் திணைக்களத்தால் மேற்கொள்ளப்பட்டு வருகின்றன.
