சிறுவர் தினத்தில் மாணவர்களுக்கு சேமிப்பு பழக்கம் ஊக்குவிப்பு

Date:

சர்வதேச சிறுவர் தினத்தை முன்னிட்டு, “வுமென்ஸ் கோர்ப்ஸ் – ஸ்ரீலங்கா” (Women’s Corps) அமைப்பு, சாய்ந்தமருது எம்.எஸ். காரியப்பர் வித்தியாலயத்துடன் இணைந்து “ஸ்மார்ட்போன் உலகில், ஸ்மார்ட்டான சேமிப்பு!” எனும் சிறுவர் சேமிப்பு ஊக்குவிப்பு திட்டத்தினை இன்று (01) வியாழக்கிழமை ஆரம்பித்து வைத்துள்ளது.

டிஜிட்டல் யுகத்தில் வாழும் மாணவச் செல்வங்களின் எதிர்காலத்தை வளமாக்கவும், சிறுவயதிலேயே சேமிப்பின் மேன்மையை அவர்களுக்கு உணர்த்தவும் “உங்கள் உண்டியலில் தொடங்கும் சேமிப்பே, நாளை உங்கள் உயரிய எதிர்காலத்தை நிர்ணயிக்கும்!” என்ற நோக்கில் இத்திட்டம் வடிவமைக்கப்பட்டுள்ளது.

வுமென்ஸ் கோர்ப்ஸ் அமைப்பின் தலைவி றிகாஸா ஷர்பீன் தலைமையில் நடைபெற்ற இந்நிகழ்வில், பாடசாலை மாணவர்களுக்குச் சேமிப்பு உண்டியல்கள் வழங்கப்பட்டன. அத்துடன், மாணவர்களிடையே சிறுவயதிலேயே நிதி சார்ந்த ஒழுக்கத்தை விதைக்கும் பொருட்டு, அவர்களின் கைகளாலேயே சேமிப்பு பழக்கத்தை ஆரம்பித்து வைப்பதற்காகப் பணமும் வழங்கப்பட்டு உண்டியல்களில் இடப்பட்டது.

நிகழ்வின் சிறப்பம்சமாகச் சிறுவர் தின இனிப்புகள் மற்றும் கேக் வெட்டப்பட்டு மாணவர்களுக்குப் பகிர்ந்தளிக்கப்பட்டதுடன், எம்.எஸ். காரியப்பர் பாலர் பாடசாலையின் மேம்பாட்டிற்காக வுமென்ஸ் கோர்ப்ஸ் அமைப்பினால் நிதி உதவியும் இதன்போது உத்தியோகபூர்வமாக வழங்கி வைக்கப்பட்டது.

இந்நிகழ்வில் பாடசாலை அதிபர் எம்.எஸ்.எம். ஆரிப், ஆசிரியைகளான ஏ.எம். அஸ்மினா, எம்.எம். பர்வீன், அபிவிருத்தி உத்தியோகத்தர் எச்.ஐ.எப். நஹ்லா, வுமென்ஸ் கோர்ப்ஸ் அமைப்பின் செயலாளர் எஸ்.எம். முபீதா உட்படப் பெற்றோர்கள், ஆசிரியர்கள் மற்றும் பெருமளவிலான மாணவர்கள் கலந்துகொண்டமை குறிப்பிடத்தக்கது.

spot_imgspot_img

More like this
Related

வரி மதிப்பீட்டாளருக்கு 16 வருட சிறைத்தண்டனை

இலங்கை உள்நாட்டு இறைவரித் திணைக்களத்தில் மதிப்பீட்டாளராகப் பணியாற்றிய ஒருவர், தொழிலதிபர் ஒருவரிடமிருந்து...

புலிகளின் சின்னங்களின்றி உயிரிழந்தவர்களை நினைவுகூரலாம்!

தடை செய்யப்பட்ட அமைப்புகளின் அடையாளங்களையோ அல்லது சின்னங்களையோ காட்சிப்படுத்தாது, உயிர்நீத்தவர்களை நினைவுகூரும்...

வரவு செலவு திட்டத்தின் 2ஆம் வாசிப்பு 97 மேலதிக வாக்குகளால் நிறைவேற்றம்!

2027 ஆம் ஆண்டிற்கான வரவு செலவுத் திட்டத்தின் இரண்டாம் வாசிப்பு, 97...
spot_imgspot_img
spot_imgspot_img

பரபரப்பான செய்திகள்