கடந்த ஆண்டு ஒக்டோபர் முதல் தற்போது வரை, போதைப்பொருள் தொடர்பான குற்றச்சாட்டுகளின் பேரில் 9,105 சிறுவர்-சிறுமியரை காவல்துறையினர் கைது செய்துள்ளனர்.
கைது செய்யப்பட்டவர்களில் 8,931 சிறுவர்களும் 173 சிறுமிகளும் அடங்குவர் என்று காவல்துறை ஊடகப் பேச்சாளரும், உதவிப் பொலிஸ் அத்தியட்சகருமான (ASP) எஃப்.யு. வூட்லர் தெரிவித்தார்.
போதைப்பொருள் நெருக்கடி காரணமாக 175 பேர் தற்கொலை செய்துகொண்டுள்ளதாகவும், அவர்களில் 170 பேர் ஆண்களும் 3 பேர் பெண்களும் ஆவர் என்றும் காவல்துறை ஊடகப் பேச்சாளர் குறிப்பிட்டார்.
கடந்த ஆண்டு ஒக்டோபர் 30 முதல் முன்தினம் (10 ஆம் திகதி) வரை நாடு முழுவதும் நடத்தப்பட்ட சோதனைகளின்போது, 2,277 கிலோ 524 கிராம் ஹெரோயின், 3,172 கிலோ 52 கிராம் ‘ஐஸ்’ (கிரிஸ்டல் மெத்தாம்பேட்டமைன்), 293 கிலோ 872 கிராம் கொக்கைன் மற்றும் 9,512 கிலோ 310 கிராம் கஞ்சா ஆகியவற்றை காவல்துறையினர் கைப்பற்றியதாக வூட்லர் செய்தியாளர் சந்திப்பில் மேலும் தெரிவித்தார்.
இதற்கிடையில், காவல்துறையின் அவசர உதவி எண்ணான ‘119’-க்குத் தவறான தகவல்களை வழங்கிய 60 பேர் மீது விசாரணை நடத்தவும் காவல்துறையினர் நடவடிக்கை எடுத்துள்ளனர்.
