மாத்தறையில் 1.5 ஏக்கர் நிலத்தை முறைகேடாகப் பெறப்பட்ட நிதியைப் பயன்படுத்தி வாங்கியதாகக் கூறப்படும் வழக்கில், முன்னாள் அமைச்சர் பசில் ராஜபக்ச நீதிமன்றத்தில் மீண்டும் மீண்டும் ஆஜராகத் தவறியதைத் தொடர்ந்து, அவர் செலுத்திய பிணைத்தொகையைப் பறிமுதல் செய்யுமாறு மாத்தறை நீதவான் நீதிமன்றம் செவ்வாய்க்கிழமை (18) உத்தரவிட்டது.
பொலிஸ் நிதிக்குற்றப் புலனாய்வுப் பிரிவால் (FCID) தாக்கல் செய்யப்பட்ட இந்த வழக்கு, மாத்தறை, எலியகந்த வீதி, பிரவுன்ஹில்லில் அமைந்துள்ள ஒரு சொத்து தொடர்பானது. இந்த வழக்கு மாத்தறை பிரதான நீதவான் சத்துர திசாநாயக்கவின் முன்னிலையில் விசாரணைக்கு எடுத்துக்கொள்ளப்பட்டது.
இந்த வழக்கில் மூன்றாவது சந்தேகநபரான ராஜபக்ச, நீதிமன்றத்தால் ஏற்றுக்கொள்ளக்கூடிய மருத்துவ அறிக்கையைச் சமர்ப்பிக்காமல் தொடர்ந்து ஆஜராகாமல் இருந்து வருவதாக நீதிமன்றத்தில் தெரிவிக்கப்பட்டது.
மேலும், ராஜபக்சவின் பிணைக்கு பிணைதாரர்களாகக் கையொப்பமிட்ட மூன்று நபர்களுக்கும் நீதவான் அபராதம் விதித்தார்; அபராதம் செலுத்தப்படாவிட்டால் அவர்கள் சிறையில் அடைக்கப்பட வேண்டும் என்றும் உத்தரவிட்டார்.
ராஜபக்சவுக்கு எதிராகப் பிறப்பிக்கப்பட்ட கைது ஆணை 2026 ஒக்டோபர் 27 வரை நீட்டிக்கப்பட்டது.
முதல் மற்றும் இரண்டாம் சந்தேகநபர்கள் செவ்வாய்க்கிழமை நீதிமன்றத்தில் ஆஜரானார்கள்.
