சிலாபம் விடுதியில் தங்கியிருந்து இணையவழி நிதி மோசடியில் ஈடுபட்ட 147 வெளிநாட்டவர் கைது!

Date:

இலங்கையில் சட்டவிரோதமாகத் தங்கியிருந்து, இணையம் வழியாகப் பெரும் நிதி மோசடியில் ஈடுபட்டிருந்த மேலும் 147 வெளிநாட்டினர், சிலாபம், இரணவில பகுதியில் உள்ள ஒரு சுற்றுலா விடுதியில் பதுங்கியிருந்தபோது, ​​நேற்று முன்தினம் (02) இரவு குற்றப் புலனாய்வுத் துறையினரால் கைது செய்யப்பட்டனர்.

இவ்வாறு, கடந்த சில வாரங்களாகப் பல்வேறு பகுதிகளில் இணையம் வழியாகப் பெரும் நிதி மோசடியில் ஈடுபட்டிருந்த ஏராளமான வெளிநாட்டினர் காவல்துறையினரால் கைது செய்யப்பட்டிருந்தனர்.

நேற்று முன்தினம் சிலாபத்தில் கைது செய்யப்பட்ட வெளிநாட்டினரில் 133 சீனர்கள், 13 வியட்நாமியர்கள், ஒரு மலேசியர் அடங்குகின்றனர்.

சிலாபம் காவல்துறை வழங்கிய தகவலின்படி, குற்றப் புலனாய்வுத் துறையின் கணினிக் குற்றப் பிரிவு இந்தச் சோதனையை நடத்தியது.

சிலாபம், இரணவில கடற்கரையில் உள்ள ஒரு சுற்றுலா விடுதியில் தங்கியிருந்தபோது கைது செய்யப்பட்ட வெளிநாட்டினரிடம், நாட்டில் தங்குவதற்குத் தேவையான விசாக்கள் கூட இல்லை.

நேற்று முன்தினம் (02) மாலை சுமார் 5.00 மணியளவில் இந்தச் சோதனை நடத்தப்பட்டது. சோதனையின் போது சம்பவ இடத்திலிருந்து தப்பிச் செல்ல முயன்ற இரண்டு சீன நாட்டினர் காயமடைந்து சிலாபம் மாவட்ட பொது மருத்துவமனையில் அனுமதிக்கப்பட்டனர். அவர்கள் பல நாட்களாக அந்த ஹோட்டலில் தங்கியிருந்து, இணையவழியில் நிதி மோசடியில் ஈடுபட்டு வந்தது விசாரணையில் தெரியவந்துள்ளது.

கைது செய்யப்பட்டவர்களில் ஏழு சீனப் பெண்கள் மற்றும் 126 ஆண்கள், மூன்று வியட்நாமியப் பெண்கள் மற்றும் 10 ஆண்கள், மற்றும் ஒரு மலேசிய ஆண் ஆகியோர் அடங்குவர்.

சந்தேக நபர்களிடமிருந்து 99 மடிக்கணினிகள், 26 மேசைக்கணினிகள் மற்றும் 259 கைபேசிகள் பறிமுதல் செய்யப்பட்டன.

சந்தேகநபர்கள் நேற்று (3) சிலாபம் நீதவான் நீதிமன்றத்தில் முற்படுத்தப்பட்டு, எதிர்வரும் 9ஆம் திகதி வரை விளக்கமறியலில் வைக்கப்பட்டுள்ளனர்.

spot_imgspot_img

More like this
Related

முதல் முறையாக நாடொன்றின் மீது இனப்படுகொலை நடத்தியதாக தீர்ப்பு: சர்வதேச நீதிமன்றம் வழங்கியது!

மியான்மர் தனது ரோஹிங்கியா சிறுபான்மையினருக்கு எதிராக இனப்படுகொலை செய்துள்ளது என்று சர்வதேச...

நீதிமன்றில் சாட்சியமளிக்க சென்ற செயற்பாட்டாளர் மீது கொலைவெறித் தாக்குதல்: யாழில் பயங்கரம்!

யாழ்ப்பாணம், ஊர்காவற்துறை நீதிமன்றத்தில் கொலை வழக்கொன்றில் சாட்சியமளிக்க சென்ற அரசியல் செயற்பாட்டாளரும்,...

16 வயதைத் திருமணத்திற்கான விருப்பத்தெரிவாக மாற்ற வேண்டும்; இலங்கை உலமா கட்சி கோரிக்கை!

நக்கிள்ஸ் சம்பவத்துடன் தொடர்புடைய 15 வயது சிறுமியின் நலன்புரி மற்றும் தொடர்ச்சியான...
spot_imgspot_img
spot_imgspot_img

பரபரப்பான செய்திகள்