யாழ்ப்பாணத்தில் பாணின் விலை குறைக்காத வெதுப்பகங்கள் தொடர்பாக பொதுமக்கள் முறையிடும் வகையில் அதிகாரப்பூர்வ அறிவிப்பு வெளியிடப்பட்டுள்ளது.
அரசாங்கம் பாணின் விலையை பத்து ரூபாய் குறைக்குமாறு அறிவுறுத்தியுள்ள நிலையிலும், யாழ்ப்பாண மாவட்டத்தில் உள்ள சில வெதுப்பகங்கள் விலையை குறைக்காமல் தொடர்ந்து விற்பனை செய்யும் நிலையில் உள்ளன. இது குறித்து பொதுமக்கள் பாவனையாளர் அலுவல்கள் அதிகாரசபையிடம் முறைப்பாடு செய்யலாம் என தெரிவிக்கப்பட்டுள்ளது.
யாழ். மாவட்ட வெதுப்ப உரிமையாளர்கள் சங்கச் செயலாளர் பாஸ்கரன் இதனை உறுதிப்படுத்தி, அரசாங்கத்தின் அறிவுறுத்தலின்படி கொழும்பு வெதுப்பக உற்பத்தியாளர்கள் சங்கமும் விலையை குறைக்க அறிவுறுத்தியுள்ளதாக தெரிவித்தார். பெரும்பாலான வெதுப்பகங்கள் இதற்கமைவாக பாணின் விலையை குறைத்துள்ள நிலையில், சில வெதுப்பகங்களில் அதனைப் பின்பற்றவில்லை என புகார்கள் எழுந்துள்ளன.
இதனைச் சட்டத்தால் கட்டுப்படுத்தவும், அனைவருக்கும் சமமான விலை நிலைமையை உறுதிப்படுத்தவும், விலையை குறைக்காத வெதுப்பகங்கள் குறித்து பொதுமக்கள் முறையான அதிகாரிகளிடம் புகார் அளிக்கலாம் என தெரிவிக்கப்பட்டுள்ளது.
இவ்வாறு முறைப்பாடுகளை பதிவு செய்வதன் மூலம், அரசாங்கத்தின் விலை மாற்றங்கள் அனைவருக்கும் சரியாக அமுலாகுவதை உறுதிப்படுத்த முடியும் என அவர் குறிப்பிட்டுள்ளார்.
