தமிழ் கட்சிகளிற்கிடையிலான சந்திப்பு 27ஆம் திகதிக்கு தள்ளிவைப்பு!

Date:

நாடளுமன்றத்தில் அங்கம் வகிக்கும் தமிழ் அரசியல் கட்சிகளுக்கு இடையிலான சந்திப்பு எதிர்வரும் 27ஆம் திகதிக்கு ஒத்திவைக்கப்பட்டுள்ளது.

முன்னதாக, இந்த சந்திப்பு நாளை (ஜன.25) நடைபெறுவதாக இருந்தது. எனினும், இலங்கை தமிழ் அரசு கட்சியின் பதில் தலைவர் சீ.வீ.கே.சிவஞானம், நேற்று யாழ்ப்பாணத்தில் செய்தியாளர்களை சந்தித்த போது, சந்திப்புக்கு முறைப்படியான அழைப்பு தமக்கு கிடைக்கவில்லையென தெரிவித்திருந்தார்.

இதையடுத்து, நாளை நடைபெற திட்டமிட்டிருந்த சந்திப்பை 27ஆம் திகதிக்கு தள்ளிவைத்துள்ளதாகவும், இலங்கை தமிழ் அரசு கட்சிக்கு முறைப்படியான அழைப்பை இன்று (24) மாலை அனுப்பியுள்ளதாகவும் தமிழ் தேசிய மக்கள் முன்னணி வட்டாரங்கள் தெரிவித்தன.

தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலத்தின் முன்முயற்சியில் இந்த சந்திப்பு நகர்வு ஆரம்பிக்கப்பட்டது. தேசிய மக்கள் சக்தியின் அரசில், தமிழ் மக்களின் இனப்பிரச்சினை விவகாரத்தை கையிலெடுத்தால், தமிழ் தரப்புக்கள் ஓரணியில் அதை எதிர்கொள்ளும் முயற்சியாக இந்த நகர்வு ஆரம்பிக்கப்பட்டது.

எனினும், இலங்கை தமிழ் அரசு கட்சியின் உட்கட்சி மோதலால் இந்த நகர்வில் தமிழ் அரசு கட்சி பங்கேற்பது சந்தேகமாகியுள்ளது குறிப்பிடத்தக்கது.

spot_imgspot_img

More like this
Related

மெக்சிகோவின் சக்திவாய்ந்த போதைப்பொருள் கடத்தல் மன்னன் கைது – நாடு முழுவதும் வன்முறை; 11 பேர் பலி!

பத்து ஆண்டுகளுக்கும் மேலாகப் பாரிய அளவிலான போதைப்பொருள் கடத்தல் நடவடிக்கைகளை முன்னெடுத்து...

மாத்தளை பொலிஸ் நிலையத்தில் உயிரிழந்த சந்தேகநபர் – அதிகளவு ஐஸ் போதைப்பொருள் பயன்படுத்தியதே காரணம்!

மாத்தளை பொலிஸ் நிலையத்தின் தடுப்புக் காவல் அறையில் தடுத்து வைக்கப்பட்டிருந்தபோது திடீரென...

யாழ்ப்பாணப் பல்கலைக்கழகத்தில் மாணவர்கள் இடையே மோதல் – 5 பேர் காயம், 21 பேர் விளக்கமறியலில்!

யாழ்ப்பாணப் பல்கலைக்கழகத்தின் முகாமைத்துவ பீடத்தைச் சேர்ந்த இரு மாணவர் குழுக்களுக்கு இடையே...
spot_imgspot_img
spot_imgspot_img

பரபரப்பான செய்திகள்