திருச்சியில் 75 வயது முதியவரின் உயிரை காப்பாற்றி, மருத்துவர்கள் அசத்தல் சாதனை புரிந்துள்ளனர். திருநெடுங்குளம் பகுதியில் வசிக்கும் முதியவர் கடுமையான வயிற்றுவலியால் திருச்சி அரசு மருத்துவமனையில் அனுமதிக்கப்பட்ட பின்னர் மேற்கொண்ட பரிசோதனையில், அவரது கல்லீரலின் மேற்பகுதியில் 1.5 கிலோ எடையுள்ள பெரிய கட்டி இருப்பது கண்டறியப்பட்டது.
இதயம் மற்றும் நுரையீரல் நிபுணர்களின் ஒத்துழைப்புடன், நவீன லேப்ராஸ்கோப்பி முறை மூலம் இந்த சிக்கலான அறுவை சிகிச்சை வெற்றிகரமாக நிறைவேற்றப்பட்டது. இவ் அறுவை சிகிச்சையை முதல்வர் குமரவேல் தலைமையில், அனுபவம் வாய்ந்த மருத்துவர்களான டாக்டர் கண்ணன், சங்கர், ராஜசேகரன், கார்த்திகேயன், இளங்கோ, மற்றும் இளவரசன் மேற்கொண்டனர்.
மனித உடலில் கல்லீரல் முக்கிய பங்கு வகிக்கிறது. செரிமான ஹார்மோன்களை உருவாக்கல், இரத்த உறைவதற்கு உதவுதல், உடல் கழிவுகளை வெளியேற்றல் போன்ற செயல்பாடுகளுக்கு இது அவசியம். எனவே, கல்லீரல் ஆரோக்கியத்தை பாதுகாப்பதற்கான விழிப்புணர்வு மக்களிடையே அதிகரிக்க வேண்டும் என மருத்துவர்கள் வலியுறுத்துகின்றனர்.
முதியவரின் உயிரை காப்பாற்றிய இந்த அசாதாரண முயற்சியால், திருச்சி அரசு மருத்துவமனை மீண்டும் ஒரு முக்கியமான சாதனையைப் பதிவு செய்துள்ளது.
