இலங்கையின் ஒன்பது மாகாணங்களில், வடக்கு மாகாணத்தில் மட்டுமே மாவட்டங்களுக்கிடையிலான சீரான பரம்பல் இல்லை என கருத்துக்கள் வெளியிடப்பட்டுள்ளன.
கிளிநொச்சி நகரில் புதிதாக அமைக்கப்பட்ட காணி ஆணையாளர் அலுவலகத்தை திறந்து வைத்த நிகழ்வில் கலந்துகொண்டு கருத்து தெரிவிக்கும் போது வடக்கு மாகாண ஆளுநர் நா. வேதநாயகம் இந்த கருத்துகளை தெரிவித்தார்.
மேலும், காணி அணுகல்கள் ஏழை மக்களுக்கு மறுக்கப்பட்டு வசதி படைத்தோர் வசமே அவை செல்கின்றது. இந்த நிலைமை மாற்றப்பட வேண்டும் எனவும் இடமாற்றங்கள் வழங்கப்படும் போது தான் பல அரச உத்தியோகத்தர்களுக்கு நோய் நிலைமை இருக்கின்றதே தெரியவருகின்றது. அவர்கள் தான் தங்கள் பெற்றோர்களை கவனமாகப் பார்த்துக்கொள்கின்றார்கள் என்பதும் அப்போதுதான் தெரியவருகின்றது என்றும் இடமாற்றங்களை நிறுத்துவதற்காக இவ்வாறு அரச அதிகாரிகள் தெரிவிக்கக்கூடாது. வடக்கு மாகாணத்தில் சீரான பரம்பல் இன்மையால், யாழ். மாவட்டத்திலிருந்து ஏனைய மாவட்டங்களில் பணியாற்றுவது கட்டாயம் ஆகும்” என்றும் அவர் குறிப்பிட்டுள்ளார்.
