அஜர்பைஜான் ஏர்லைன்ஸ் பயணிகள் ஜெட் விமானம் புதன்கிழமை (டிசம்பர் 25) மேற்கு கஜகஸ்தானில் அவசரமாக தரையிறங்க முயன்றபோது தீப்பிடித்தது என்று கஜகஸ்தான் போக்குவரத்து அமைச்சகம் தெரிவித்துள்ளது. முதற்கட்ட தகவல்களின்படி, விமானத்தில் இருந்த 67 பேரில் 25 பேர் மட்டுமே விபத்தில் இருந்து தப்பினர்.
அஜர்பைஜானின் பாகுவிலிருந்து ரஷ்யாவின் செச்னியா பிராந்தியத்தின் தலைநகரான க்ரோஸ்னிக்கு பறந்து கொண்டிருந்த விமானம், அக்டாவ் நகருக்கு அருகில் விபத்துக்குள்ளானது.
கஜகஸ்தானில் உள்ள அக்டோவிலிருந்து 3 கிமீ (1.8 மைல்) தொலைவில் அவசரமாக தரையிறங்க வேண்டிய கட்டாயம் ஏற்பட்டது. இந்த நகரம் அஜர்பைஜான் மற்றும் ரஷ்யாவிலிருந்து காஸ்பியன் கடலின் எதிர் கரையில் உள்ளது.
கஜகஸ்தான் போக்குவரத்து அமைச்சகத்தின் கூற்றுப்படி, விமானத்தில் 62 பயணிகள் மற்றும் ஐந்து பணியாளர்கள் இருந்தனர்.
எவ்வாறாயினும், ஊடக அறிக்கைகள் 105 பயணிகள் இருந்ததாக குறிப்பிடுகின்றன.
இந்த விபத்தில் 25 பேர் மட்டுமே உயிர் பிழைத்துள்ளதாகவும், அதாவது 42 பேர் உயிரிழந்திருக்கலாம் எனவும் கஜகஸ்தானின் அவசர நிலை அமைச்சகம் தெரிவித்துள்ளது.
“முதற்கட்ட தகவல்களின்படி, 25 பேர் உயிர் பிழைத்துள்ளனர், அவர்களில் 22 பேர் மருத்துவமனையில் அனுமதிக்கப்பட்டுள்ளனர்” என்று டெலிகிராமில் அமைச்சகம் தெரிவித்துள்ளது. உயிர் பிழைத்த 14 பேர் மருத்துவமனையில் அனுமதிக்கப்பட்டுள்ளதாக சுகாதார அதிகாரிகள் முன்னதாக தெரிவித்திருந்தனர்.
பறவைகள் தாக்கியதை அடுத்து விமானி அவசரமாக தரையிறங்க முடிவு செய்துள்ளதாக முதற்கட்ட தகவல்கள் தெரிவிக்கின்றன என்று ரஷ்யாவின் விமானப் போக்குவரத்து கண்காணிப்பு அமைப்பு ஒரு அறிக்கையில் தெரிவித்துள்ளது.
⚠️#BREAKING: #Azerbaijan Airlines E190 Crashes in #Kazakhstan, Survivors Reported
A tragic aviation incident unfolded today as Azerbaijan Airlines Flight #J28243, an Embraer E190AR registered (4K-AZ65)carrying 72 people, crashed near Aktau, Kazakhstan. The flight was en route… pic.twitter.com/BlntUOYT5m
— Antony Ochieng,KE✈️ (@Turbinetraveler) December 25, 2024
