பல்லேகல சர்வதேச மைதானத்தில் நடைபெற்ற 2024 லெஜண்ட்ஸ் கிரிக்கட் கிண்ணத்தின் போது ஆட்ட நிர்ணயம் செய்ததாக குற்றம் சாட்டப்பட்ட பஞ்சாப் ரோயல் கிரிக்கெட் அணியின் முகாமையாளர் ஆகாஷ் பச்லோடியாவுக்கு கண்டி மேல் நீதிமன்ற நீதிபதி தர்ஷிகா விமலசிறி நேற்று 11 மில்லியன் ரூபா அபராதம் விதித்தார்.
ஆகாஷ் பச்லோடியா மீது விளையாட்டு தொடர்பான குற்றங்கள் தடுப்பு சட்டத்தின் கீழ் சட்டமா அதிபர் குற்றப்பத்திரிகை தாக்கல் செய்தார்.
விளையாட்டு தொடர்பான ஊழலை தடுக்கும் சிறப்பு புலனாய்வு பிரிவினரால் மேற்கொள்ளப்பட்ட முழுமையான விசாரணையை அடுத்து முகாமையாளர் கைது செய்யப்பட்டுள்ளார். இலங்கை கிரிக்கெட் வீரர் உபுல் தரங்க மற்றும் நியூசிலாந்து கிரிக்கெட் வீரர் நீல் புரூம் ஆகியோர் செய்த முறைப்பாட்டின் அடிப்படையில் விசாரணைகள் ஆரம்பிக்கப்பட்டுள்ளன.
இரண்டு குற்றச்சாட்டுகள் தொடர்பாக நடைபெற்ற விசாரணையில், இரண்டு குற்றச்சாட்டுகளுக்கும் தலா ரூ.5.5 லட்சம் அபராதம் விதித்த உயர்நீதிமன்ற நீதிபதி, ஒரு குற்றச்சாட்டிற்கான அபராதத் தொகையை செலுத்தாவிட்டால், 1/2 ஆண்டுகள் கடுங்காவல் சிறைத்தண்டனை வீதம் 2 தண்டனை விதிக்கப்படும் என்றார்.




