இந்தியாவுக்கும் இலங்கைக்கும் இடையில் பாரியளவிலான போதைப்பொருள் கடத்தலை நடத்திய பிரதான போதைப்பொருள் கடத்தல்காரரான கஹடவிட்டகே டொன் நந்தசேன என்ற தொட்டலங்கா நந்தா, நுவரெலியா பிரதேசத்தில் உள்ள விடுமுறை விடுதியில் வைத்து பொலிஸ் விசேட அதிரடிப்படையினரால் கைது செய்யப்பட்டுள்ளார்.
இந்த சந்தேக நபர் இந்தியாவின் சென்னையில் வசிப்பதாகவும், மூன்று மாதங்களுக்கு ஒருமுறை இலங்கைக்கு வந்து போதைப்பொருள் கடத்தலை நடத்துவதாகவும் விசாரணைகளில் தெரியவந்துள்ளது.
கடந்த பெப்ரவரி மாதம் 29 ஆம் திகதி இலங்கைக்கு வந்த அவர், படகில் இந்தியாவிற்கு செல்லவிருந்ததாகவும் தெரிவிக்கப்படுகிறது.
இந்த சந்தேக நபர் பல்வேறு நிலைகளில் உள்ள காவல்துறை அதிகாரிகளுடன் நெருங்கிய தொடர்பை பேணி வருவதாகவும் STF க்கு தகவல் கிடைத்தது.
மார்ச் 2 ஆம் திகதி கிரிபத்கொட மற்றும் கட்டுநாயக்க பிரதேசங்களில் மேற்கொள்ளப்பட்ட சுற்றிவளைப்பின் போது கைப்பற்றப்பட்ட 100 மில்லியன் ரூபா பெறுமதியான 10 கிலோகிராம் ICE போதைப்பொருளின் உரிமையாளர் சந்தேகநபர் என STF மேலும் தெரிவிக்கிறது.
அந்த ICE மருந்துகளின் இருப்பு சொக்லேட் பெட்டிகளுக்குள் வைத்து இலங்கைக்கு கொண்டு வரப்பட்டுள்ளது.
