நீதித்துறையின் தீர்மானத்தின்படி பிரச்சினைகளுக்கு தீர்வு காண முயற்சித்தால், எரியும் பிரச்சினைகளுக்கு தீர்வு காண அரசாங்கத்துடன் இணைந்து செயற்படுவதற்கு திருச்சபை தயாராக உள்ளது என கொழும்பு பேராயர் கர்தினால் மல்கம் ரஞ்சித் தெரிவித்துள்ளார்.
“நீதித்துறை வழங்கிய தீர்ப்புகளின்படி அரசாங்கம் செயல்பட்டால் பொருளாதார நெருக்கடி போன்ற பிரச்சினைகளை தீர்க்க நேர்மையான முயற்சி எடுக்கப்பட்டால், அரசாங்கத்துடன் இணைந்து பணியாற்றுவதில் எங்களுக்கு எந்தப் பிரச்சினையும் இல்லை” என்று கர்தினால் கிறிஸ்துமஸ் நிகழ்ச்சிக்குப் பிறகு செய்தியாளர்களிடம் கூறினார்.
“இந்த அரசாங்கம் நீதித்துறை வழங்கிய பல தீர்ப்புகளை புறக்கணித்துள்ளது,” என்று அவர் மேலும் கூறினார்.
2019 ஆம் ஆண்டு ஈஸ்டர் ஞாயிறு தாக்குதல்கள் தொடர்பாக அந்தந்த அரசாங்கத்தை கர்தினால் விமர்சித்துள்ளார். முந்தைய நல்லாட்சி தாக்குதல்களைத் தடுக்கத் தவறியதாகவும் தற்போதைய ஆட்சி தாக்குதலைத் திட்டமிட்டவர்களை சட்டத்தின் முன் நிறுத்தத் தவறியதாகவும் அவர் விமர்சித்தார்.
