அடுத்த வருடத்திற்கு அரச சேவைக்கு புதிதாக ஆட்சேர்ப்பு செய்யப்பட மாட்டாது என நிதி அமைச்சின் செயலாளர் மஹிந்த சிறிவர்தன தெரிவித்துள்ளார்.
அதன் காரணமாக அடுத்த வருடத்திற்கான வரவு செலவுத் திட்ட மதிப்பீடுகளை தயாரிப்பதில் அதற்கான எந்த ஏற்பாடும் செய்யப்பட மாட்டாது என நிதி அமைச்சின் செயலாளர் தெரிவித்தார்.
அடுத்த வருடத்திற்கான சம்பளம், கொடுப்பனவுகள் மற்றும் பிற கொடுப்பனவுகளின் மதிப்பீடுகளை தயாரிப்பதில், இந்த ஆண்டு ஜூன் 30 ஆம் திகதி வரை வழக்கமான ஊழியர்களின் எண்ணிக்கையை அடிப்படையாகக் கொண்டது என்று அவர் குறிப்பிட்டார்.
பொதுச் சேவையில் ஆட்சேர்ப்பு செயல்முறையை மீளாய்வு செய்வதற்காக பிரதமரின் செயலாளரின் பரிந்துரையுடன் அமைச்சர்கள் குழுவால் நியமிக்கப்பட்ட அதிகாரிகள் குழுவின் பரிந்துரைகளின்படி தேசிய வரவு செலவுத் திணைக்களம் அத்தியாவசிய வெற்றிடங்களை நிரப்புவதற்கான ஏற்பாடுகளை மேற்கொள்ள வேண்டும் என்றும் திறைசேரி செயலாளர் கூறினார்.
