பதுளை, தல்தென, கன்வன்வ பகுதியில் உள்ள கால்வாயில் இருந்து இளைஞர் ஒருவரின் சடலம் இன்று (31) பிற்பகல் கண்டுபிடிக்கப்பட்டுள்ளதாக பதுளை பொலிஸார் தெரிவிக்கின்றனர்.
உயிரிழந்தவர் பிரபாத் சஞ்சீவா என்ற 27 வயதுடையவர் என அடையாளம் காணப்பட்டுள்ளார்.
இவர் பதியத்தலாவ வீதி, மஹியங்கனை பிரதேசத்தில் வசிப்பவர்.
இந்த இளைஞன் நேற்று (30) தல்தென, 07 கன்வன்வ பிரதேசத்தில் உள்ள தனது காதலியின் வீட்டிற்கு வந்து அன்றிரவு அந்த வீட்டில் தங்கியிருந்தமை தெரியவந்துள்ளது.
பின்னர், இரவு நேரத்தில் இளைஞன் வீட்டில் இல்லாததை அறிந்து அப்பகுதி மக்கள் தேடுதல் நடத்தினர்.
இன்று (31) மதியம் வீட்டின் கீழே ஓடும் கால்வாயில் அவரது சடலம் கண்டெடுக்கப்பட்டதாக தெரிவிக்கப்பட்டுள்ளது.
