டெங்கு மற்றும் முழு இரத்த எண்ணிக்கை பரிசோதனைகளுக்கு வர்த்தமானி கட்டணத்தை விட அதிகமாக வசூலித்ததற்காக பன்னிரண்டு தனியார் மருத்துவமனைகள் மற்றும் ஆய்வகங்களுக்கு நீதிமன்றங்கள் 9.4 மில்லியன் ரூபா அபராதம் விதித்துள்ளதாக நுகர்வோர் விவகார அதிகார சபையின் சிரேஷ்ட விசாரணை அதிகாரி ஏ.யு.ரஞ்சன தெரிவித்தார்.
கொழும்பு, நுகேகொட, மாளிகாகந்த மற்றும் கல்கிசை நீதிமன்றங்களினால் இந்த அபராதம் விதிக்கப்பட்டுள்ளதாக சிரேஷ்ட விசாரணை அதிகாரி தெரிவித்தார்.
கொழும்பு மாவட்ட விசேட சுற்றிவளைப்புப் பிரிவினரால் கடந்த நான்கு மாதங்களாக மேற்கொள்ளப்பட்ட விசாரணைகளின் போது அதிகளவு பணம் அறவிடப்பட்டமை தொடர்பில் தெரியவந்த தகவலின் அடிப்படையில் வழக்குத் தாக்கல் செய்யப்பட்டதை அடுத்து இந்த நடவடிக்கை மேற்கொள்ளப்பட்டுள்ளது.
