அருந்தவபாலன் ‘….’ சாதி; நீங்கள் எந்த சாதியென கூற முடியுமா?; விக்னேஸ்வரன் எனக்கு மின்னஞ்சல் அனுப்பினார்: பொ.ஐங்கரநேசன் அதிர்ச்சி தகவல்!

Date:

அருந்தவபாலன் “….“ சாதியென சொல்கிறார்கள். உங்களைப்பற்றியும் சொல்கிறார்கள். நீங்கள் என்ன சாதியென குறிப்பிட முடியுமா என க.வி.விக்னேஸ்வரன் எனக்கு மின்னஞ்சல் அனுப்பியிருந்தார் என, தமிழ் தேசிய பசுமை இயக்கத்தின் தலைவர் பொ.ஐங்கரநேசன் தெரிவித்துள்ளார்.

இது தொடர்பில் ஐங்கரநேசன் குறிப்பிடுகையில்,

விக்னேஸ்வரனை அகற்ற வேண்டுமென தமிழ் அரசு கட்சியின் ஒரு அணி விரும்பியது. விக்னேஸ்வரனை அப்போது கவர்ச்சியான வேட்பாளராகத்தான் அப்போது நினைத்தேன். ஆனால் இப்பொழுது வேறு விதமாக அப்பிராயமுள்ளது.

விக்னேஸ்வரனை அகற்ற வேண்டுமென்றால், முதலில் ஐங்கரநேசனை அகற்ற வேண்டுமென நினைத்தார்கள். இல்லாத பொல்லாத குற்றச்சாட்டுக்களை சுமத்தினார்கள். விக்னேஸ்வரன் எம்மை பதவிவிலக கேட்டார். பதவிவிலகினோம். ஆனால் விக்னேஸ்வரன் பின்னர் நேர்மையாக நடக்கவில்லை.

அவர் மாகாண முதலமைச்சராக இருந்ததற்கும், ஒரு கட்சியை ஆரம்பித்தற்குமிடையில் நிறைய வித்தியாசமிருந்தது. கட்சியை ஆரம்பித்த பின் கைதேர்ந்த அரசியல்வாதியாகி விட்டார்.

மாகாணசபையில் எங்கள் மீதான குற்றச்சாட்டின் போது நான் பதவிவிலக தயாராக இருந்தேன். குருகுலராஜா அதை விரும்பவில்லை. விக்னேஸ்வரன் என்னையே குருகுலாஜாவிடம் தூது அனுப்பினார். எம் மீதான குற்றச்சாட்டுக்கள் பற்றி நீதியான, பக்கச்சார்பற்ற திணைக்கள ரீதியான விசாரணை மேற்கொள்வதாக உத்தரவாதமளித்தார்.இதையடுத்து, குருகுலராஜாவிடம்நான் சென்று பேசினேன். குருகுலராஜா பதவிவிலகல் கடித்தை கொடுத்தார். அது நடக்காவிட்டால், அவரும் டெனீஸ்வரன் மாதிரி நிலைப்பாடு எடுத்திருப்பார்.

இதன்பின்னர், விக்னேஸ்வரன் பிரதம செயலாளரின் ஊடாக விசாரணைக்குழுவொன்றை அமைத்து, அறிக்கை பெற்றிருந்தார். மாகாணசபை கலைந்த பின்னர்தான் எனக்கு அது தெரியும். நான் அவரிடம் போய் கேட்டபோது, விக்

வினேஸ்வரன் கோரியதன்படி விசாரணை அறிக்கை ஒப்படைக்கப்பட்டுள்ளதாகவும், தேவையெனில் தகவல் அறியும் உரிமைச்சட்டத்தின் படி பெற்றுக்கொள்ள முடியுமென்றும் தெரிவித்தார்.

தகவல் அறியும் உரிமைச் சட்டத்தின் படி அந்த அறிக்கையை பெற்றோம்.

அந்த அறிக்கையில், அனைத்து அமைச்சர்கள் மீதான குற்றச்சாட்டுக்களும் நிராகரிக்கப்பட்டதாக கூறப்பட்டிருந்தது.

நான் விக்னேஸ்வரனிடம் போய் இதைப்பற்றி கேட்டேன். “அப்படியா ஐங்கரநேசன். எனக்கு தெரியாதே“ என்றார்.

உங்கள் அலுவலகத்தில் கையளிக்கப்பட்டு, வாங்கப்பட்டுள்ளது என்றேன்.

சிலவேளை செயலாளர் தன்னிடம் கையளிக்காமல் விட்டிருக்கலாம் என்றார். அது பொய். அவருக்கு அது தெரியும்.

தன்னை ஒரு உத்தமனாக தொடர்ந்தும் நிரூபிக்க அவர் விரும்பினார். தன்னுடைய நீதியின் கீழ் தவறான தீர்ப்புக்கள் வழங்கப்பட்டது என்பதை அவர் ஏற்றுக்கொள்ள தயாராக இல்லை. அதனால் அவருடன் தொடர்ந்து பயணிப்பதற்கான விருப்பம் என்னிடமில்லை.

விக்னேஸ்வரன் அரசியலில் இருக்க விரும்புகிறார். என்னுடைய பார்வையில், அவர் அரசியலில் இருப்பதற்கான சில தகுதிகள் இல்லை. பாராளுமன்ற தேர்தல் 2020 இல் ஒரு மின்னஞ்சல் அனுப்பியிருந்தார். அருந்தவபாலனின் சாதியை குறிப்பிட்டு, உங்களது சாதியைப் பற்றியும் குறிப்பிடுகிறார்கள், உங்களுடைய சாதியென்ன என அறியலாமா என கேட்டிருந்தார். நீங்கள் என்ன சாதியாக இருந்தாலென்ன, உங்கள் மீது எனக்குள்ள அன்பு ஒரு துளி கூடவோ, குறையவோ மாட்டாது என்றும் தெரிவித்தார்.

நான் பதில் போடவில்லை. அவரிடம் நேரில் சென்று சொன்னேன். நாங்கள் போராட்ட பாரம்பரியத்தில் இருந்து வந்தவர்கள். சாதி ஒடுக்குமுறை போன்றவற்றை ஒழிப்பதற்காகவும் போராட வந்தவர்கள். என்னிடம் கேட்டதை போல இன்னொருவரிடம் கேளாதீர்கள் என்றேன்.

விக்னேஸ்வரனுடன் தொடர்ந்து பயணிக்க முடியாது என்பதற்கு மற்றொரு காரணம்- அவர் சுயமாக முடிவெடுக்க மாட்டார்.

இன்னொரு சம்பவம், இலங்கை தமிழ் அரசு கட்சியின் தலைவர் ஒருவரும், வடமராட்சியின் பிரபல ஆசிரியர் ஒருவரை வேட்பாளராக்குவதற்காக பேசிய போது,  நீங்கள் என்ன சாதியென கேட்டார் என அந்த ஆசிரியர் என்னிடம் கூறியிருந்தார்.

அரசியல் என்பது தேர்தலுக்கான கூட்டு என்றால் நாளொரு கட்சி பொழுதொரு கூட்டு என இருக்கலாம். ஆனால், தமிழ் தேசிய அரசியல் விடுதலைப் போராட்டத்தின் தொடர்ச்சியாக இருக்கலாமே தவிர, 70களின் சாதி அரசியலின் தொடர்ச்சியாக இருக்க முடியாது. ஆனால் இன்று சாதி ரீதியாகவும், மத ரீதியாகவும் பிளவுபடுத்தும் சூழலே உள்ளது.

spot_imgspot_img

More like this
Related

இலங்கை தமிழ் அரசு கட்சி வரவு செலவு திட்டத்தை எதிர்க்கும்!

இலங்கைத் தமிழ் அரசு கட்சி, 2027-ஆம் ஆண்டிற்கான வரவு-செலவுத் திட்டத்திற்கு எதிராக...

மட்டக்களப்பில் விபத்துக்குள்ளான வான் ஒன்றை தீ வைத்து எரித்த 4 பேருக்கு 3 வருட கடூழிய சிறைத்தண்டனை மேல் நீதிமன்றம் தீர்ப்பு

ஏறாவூர் பொலிஸ் பிரிலுள்ள வந்தாறுமூலை மாவடிவேம்பு பகுதியில் 2015 ஆண்டு இடம்பெற்ற...

டெல்லி கப்பிட்டல்ஸ் அணியின் இயக்குனராக மஹேல ஜெயவர்த்தன நியமனம்

டெல்லி கப்பிட்டல்ஸ் அணியின் இணை உரிமையாளர்களான ஜிஎம்ஆர் ஸ்போர்ட்ஸ் நிறுவனத்தால், முன்னாள்...
spot_imgspot_img
spot_imgspot_img

பரபரப்பான செய்திகள்