இலங்கையில் ஏற்பட்டுள்ள பொருளாதார நெருக்கடியால், விபச்சாரத்தில் ஈடுபடும் ஆண்களின் எண்ணிக்கையும் அதிகரித்துள்ளதாக தகவல் வெளியாகியுள்ளது.
பெண்களை திருப்திப்படுத்தும் ஆண் சேவையாளர்கள் பலர் தற்போது இணையத்தளம் ஊடாகவும் விளம்பரம் செய்துள்ளனர்.
பொருளாதார நெருக்கடி உச்சமடைந்ததால், இலங்கையின் பெரும்பாலான குடும்பங்கள் பாதிக்கப்பட்டுள்ளன. குடும்பமாக தற்கொலை செய்யும் சம்பவங்களும் அதிகரித்துள்ளன. இந்த நெருக்கடியானது குறைந்த வருமானம் கொண்ட குடும்பங்கள் மீது அதிக பாதிப்பை ஏற்படுத்தியதால் நாடு முழுவதிலும் உள்ள கிட்டத்தட்ட அனைத்து குடும்பங்களையும் தாக்கியுள்ளது.
இன்றைய இளைஞர்களும் தங்களின் செலவுகளைச் சமாளிக்க பொருத்தமான வேலைவாய்ப்பைத் தேடிக்கொண்டிருக்கிறார்கள். இதனால் பெரும்பாலான இளைஞர்கள் நாட்டை விட்டு வெளியேற விரும்புகிறார்கள்.
எந்த வாய்ப்புமில்லாதவர்கள், வாழ்க்கை நெருக்கடியை சமாளிக்க செக்ஸை வாழ்வாதாரமாக பயன்படுத்தும் போக்கு அதிகரித்துள்ளது. சமீபத்திய பொருளாதார நெருக்கடியின் விளைவாக விபச்சாரத்தில் ஈடுபடும் பெண்களின் எண்ணிக்கை அதிகரித்துள்ளது.
இந்த நிலையில், 20 முதல் 40 வயதுக்குட்பட்ட இளைஞர்களும் தங்கள் வாழ்வாதாரத்திற்காக பாலியல் தொழிலில் ஈடுபடுவது கணிசமாக அதிகரித்துள்ளது.
இந்த துறையுடன் சம்பந்தப்பட்டவர்களின் தகவலின்படி, இலங்கையின் பொருளாதார நெருக்கடி மோசமடைந்த கடந்த சில மாதங்களுக்குள், அதிகமான ஆண்கள் ‘ஆண் பாலியல்’ சேவைகளை வழங்கும் இணையத்தளங்களில் பதிவு செய்துள்ளனர்.
உள்நாட்டு, வெளிநாட்டு இணையத்தளங்களில் பதிவு செய்யப்பட்ட பல இலங்கையர்களின் பெயர் விபரங்கள் தற்போது இணையங்களில் காணப்படுகிறது. இப்படி பதிவு செய்த ஆண்கள் 20 முதல் 40 வயதுக்கு இடைப்பட்டவர்கள்.
வழங்கப்படும் சேவைகளுக்கு ஏற்ப கட்டணங்கள் மாறுபடும். ஏறக்குறைய அனைத்து ஆண் சேவையாளர்களும் ஒரு மணிநேரத்திற்கு அமெரிக்க டொலர்களில் வசூலிக்கின்றனர். ஒருமுறை சேவைக்கு 20 டொலர்கள் முதல் 50 டொலர்கள் வரை அறவிடுகின்றனர். முழு இரவுக்கான சேவைக்கு 100 டொலர்கள் முதல் 500 டொலர்கள் வரை அறவிடப்படுகிறது.
வாடிக்கையாளரால் ஒரு ஆண் தேர்ந்தெடுக்கப்பட்டால், அவர்களின் வயது மற்றும் தொடர்பு எண் மற்றும் படத்துடன் சேவை வழங்குனர் பற்றிய சுருக்கமான அறிமுகத்தை இணையதளங்கள் வழங்குகின்றன. அனைத்து பண பரிவர்த்தனைகளும் நேரடியாக மட்டுமே செய்யப்படுகின்றன. தற்போதைய நாணய மாற்று விகிதத்தின்படி இலங்கை ரூபாயில் செலுத்த முடியும்.
வழங்கப்பட்ட சில சேவைகளில் மசாஜ்களும் அடங்கும் மற்றும் அனைத்து இணையதளங்களும் வாடிக்கையாளர் மற்றும் துணைக்கு இடையே உள்ள ரகசியத்தன்மையை வலியுறுத்தியுள்ளன.
22 வயதான கொட்டாவைச் சேர்ந்த பெயர் வெளிடாத ஒரு ஆண் துணையுடன் கொழும்பு ஊடகங்கள் பேசிய போது, வேலையில்லா திண்டாட்டம் மற்றும் அதிக வாழ்க்கைச் செலவின் சுமைகள் காரணமாக இந்தத் தொழிலுக்குத் திரும்ப வேண்டிய கட்டாயம் ஏற்பட்டதாகக் கூறினார். குறிப்பாக கொழும்பில் உள்ள உயர் சமூகத்தினரிடையே, விருந்துகள் மற்றும் முறைசாரா கூட்டங்களில் அடிக்கடி சேவைகளை கோரும் ஆண்களுக்கான தேவை இருப்பதாக அவர் கூறினார்.
திருமணமாஉ தம்பதிகளிடம் இருந்தும் அழைப்பு வருவதாக கூறியுள்ளார்.
இந்த ஆண் சேவை வழங்குனர் ஒரு மணி நேரத்திற்கு ரூ.15,000 வசூலிக்கிறார். எனினும், விஐபிகளுக்கு ஒரு முழு இரவு சேவை வழங்க ரூ.50,000 முதல் அறவிடப்படும் என்று கூறினார்.
பணம் விரைவில் சம்பாதித்ததாகவும், தனது குடும்பத்திற்கு வழங்க முடியும் என்றும் அவர் கூறினார். அவர் கிட்டத்தட்ட ஒவ்வொரு வாரமும் முன்பதிவு செய்யப்படுவதாக குறிப்பிட்டுள்ளார்.
