ஐக்கிய இராச்சியம், அமெரிக்கா, கனடா மற்றும் நோர்வே ஆகிய நாடுகள் இலங்கையில் பயங்கரவாதத் தடைச் சட்டத்தை நீக்கும்படியும், தண்டனைச் சட்டத்தின் 365 மற்றும் 365A பிரிவுகளை நீக்குவதன் மூலம் ஓரினச்சேர்க்கை உறவுகளை குற்றமற்றதாக்க வேண்டும் என்று வலியுறுத்தியுள்ளன.
LGBTIQ நபர்களின் உரிமைகளை மதிக்குமாறு இலங்கைக்கு அமெரிக்கா அழைப்பு விடுத்துள்ளதுடன், LGBTIQ சமூகத்தின் மீதான பாகுபாடு மற்றும் துன்புறுத்தலை நிறுத்த நடவடிக்கை எடுக்கப்பட வேண்டும் என வலியுறுத்தியது.
இலங்கையின் பாரம்பரிய ஜனநாயகத்தின் மையமான கருத்து சுதந்திரம், அமைதியான ஒன்றுகூடல் ஆகியவற்றை நிலைநிறுத்துவதற்கான இலங்கையின் முயற்சிக்கு தாங்கள் ஆதரவளிப்பதாக அமெரிக்கா தெரிவித்துள்ளது.
“ஆட்சியில் பொருளாதார வெளிப்படைத்தன்மையை மேம்படுத்த சமீபத்திய மாதங்களில் எடுக்கப்பட்ட நடவடிக்கைகளை நாங்கள் அங்கீகரிக்கிறோம், இருப்பினும், பாதுகாப்புப் படையினரின் துஷ்பிரயோகம், மனித உரிமை பாதுகாவலர்களைக் காவலில் வைக்க பயங்கரவாத எதிர்ப்புச் சட்டத்தைப் பயன்படுத்துதல் மற்றும் ஊழல் அதிகரிப்பு ஆகியவை குறித்து நாங்கள் கவலைப்படுகிறோம்” என்று அமெரிக்க பிரதிநிதி கூறினார். கூறினார்.
பிரித்தானியாவும் பயங்கரவாத தடைச்சட்டத்தை மாற்றியமைத்து வடக்கு மற்றும் கிழக்கில் காணிப்பிரச்சினைகளுக்கு தீர்வு காண அழைப்பு விடுத்துள்ளது.
ஜெனீவாவில் டைபெற்ற ஐ.நா செயற்குழுவின் 42வது அமர்வின் போது, உலகளாவிய காலமுறை மதிப்பாய்வு 4வது சுற்றில் அவர்கள் இந்த சமர்ப்பிப்புகளை செய்தனர்.
