பாகிஸ்தானின் பெஷாவர் போலீஸ் தலைமைய வளாக பகுதியில் உள்ள ஒரு மசூதியில் நடந்த குண்டுத் தாக்குதலில் இறந்தவர்களின் எண்ணிக்கை 100 ஆக உயர்ந்துள்ளது. தாக்குதல் நடந்த இடத்தில் இருந்து செவ்வாய்கிழமை மேலும் உடல்கள் மீட்கப்பட்டதை தொடர்ந்து, உயிரிழப்பு எண்ணிக்கை அதிகரித்துள்ளது.
லேடி ரீடிங் மருத்துவமனை செய்தித் தொடர்பாளர் முகமது ஆசிம் கூறுகையில், 100 இறந்த உடல்கள் மருத்துவமனைக்கு கொண்டு வரப்பட்டுள்ளன. காயமடைந்த 53 குடிமக்கள் தற்போது சிகிச்சை பெற்று வருவதாகவும் அவர்களில் 7 பேர் தீவிர சிகிச்சை பிரிவில் அனுமதிக்கப்பட்டுள்ளதாகவும் கூறினார்.
காயமடைந்தவர்களில் பெரும்பாலோர் அபாய கட்டத்தை தாண்டிவிட்டதாக கூறிய அவர், காயமடைந்த அனைவருக்கும் மருத்துவ வசதிகள் இலவசமாக வழங்கப்பட்டு வருவதாகவும் தெரிவித்தார்.
திங்களன்று, பெஷாவரின் சிவப்பு மண்டலப் பகுதியில் ஒரு மசூதியில் இந்த தற்கொலை தாக்குதல் நடத்தப்பட்டது.
இந்த தாக்குதலுக்கு தெஹ்ரீக்-இ-தலிபான் பாகிஸ்தான் (TTP) பொறுப்பேற்றிருந்தாலும், அது பின்னர் அதிலிருந்து விலகிக் கொண்டது. ஆனால் அந்த அமைப்பின் சில உள்ளூர் பிரிவினரின் தாக்குதலாக இருக்கலாம் என்று பாகிஸ்தான் பாதுகாப்பு தரப்பு நம்புகிறது.
பெஷாவர் காவல்துறைத் தலைவர் முஹம்மது இஜாஸ் கான் கூறுகையில், பலியானவர்களில் 90 சதவீதத்திற்கும் அதிகமானோர் பொலிசார் என்றும், அவர்களில் 300 முதல் 400 பேர் வரை வளாகத்தின் மசூதியில் பிரார்த்தனைக்காக கூடினர் என்றும் கூறினார்.
உயிர் பிழைத்த 23 வயது போலீஸ் கான்ஸ்டபிள் வஜாஹத் அலி, உயிர் பிழைப்பதற்கான அனைத்து நம்பிக்கைகளையும் இழந்துவிட்டதாக கூறினார். “நான் ஏழு மணி நேரம் இடிபாடுகளுக்கு அடியில் சிக்கியிருந்தேன்,” என்று அவர் வைத்தியசாலையிலிருந்து AFP இடம் கூறினார்.
ஒரு ‘தற்கொலை குண்டுதாரி’ இந்த தாக்குதலை நடத்தியதாக போலீசார் கூறுகின்றனர்.
செவ்வாய்க்கிழமை பிற்பகல் பொலிஸ் லைன்ஸில் ஊடகவியலாளர் சந்திப்பில், KP இன்ஸ்பெக்டர் ஜெனரல் (IG) மௌசம் ஜா அன்சாரி, இந்த நேரத்தில் மிகவும் பொருத்தமான கேள்வி என்னவென்றால், ஒரு “தற்கொலை குண்டுதாரி” எப்படி போலீஸ் லைன்களுக்குள் நுழைந்து மசூதிக்குச் சென்றார் என்பதுதான் என்றார்.
போலீஸ் லைன்ஸில் “மத்திய கட்டளை” இல்லை என்றும், சோதனை பொறிமுறையானது வாயிலுக்கு மட்டுப்படுத்தப்பட்டதாகவும் அவர் கூறினார்.
“கேண்டீன்கள் உள்ளன, சில கட்டுமானப் பணிகளும் நடந்து கொண்டிருந்தன. எப்படியோ [வெடிக்கும்] பொருள் ஒரு குறிப்பிட்ட காலப்பகுதியில் சிறிய அளவில் இங்கு கொண்டுவரப்பட்டது. இந்த வளாகத்தில் புகார் மையம் செயல்பட்டு வருவதால், பொதுமக்கள் வந்து செல்கின்றனர்.
வெடிகுண்டுகள் இன்றி இவ்வாறு வளாகத்திற்குள் நுழைந்த குண்டுதாரி பின்னர் மசூதிக்குச் சென்று அங்கு தன்னைத்தானே வெடிக்கச் செய்ததாக அவர் கூறினார். “இது தொடர்பாக, பாதுகாப்பு குறைபாடு குறித்தும் விசாரணை நடத்தப்படுகிறது. பெஷாவர் சிசிபிஓ தலைமையில் தனி குழு அமைக்கப்பட்டுள்ளது,” என்றார்.
“நாங்கள் சிசிடிவி காட்சிகளை ஆய்வு செய்கிறோம். இந்த விசாரணை 24 மணி நேரத்தில் முடிவடையும் என்று நீங்கள் எதிர்பார்க்க முடியாது,” என்று அன்சாரி கூறினார், காவல்துறை அதன் கண்டுபிடிப்புகளை விரைவில் வெளியிட முயற்சிக்கும் என்று கூறினார்.
ஒரு கேள்விக்கு பதிலளித்த ஐஜி, 10-12 கிலோகிராம் வெடிக்கும் பொருள் பயன்படுத்தப்பட்டதாக அதிகாரிகள் மதிப்பிட்டுள்ளனர். “பெரும்பாலான சேதங்கள் வெடிக்கும் பொருளால் ஏற்படவில்லை; குண்டுவெடிப்பில் இருந்து வந்த அதிர்ச்சி அலைகள் கூரை இடிந்துவிழ காரணமானது. இதனால் அங்கு கூடியிருந்தவர்கள் சிக்கிக் கொண்டனர்“ என்றார்.
தெஹ்ரீக்-இ-தலிபான் பாகிஸ்தான் இந்த தாக்குதலில் ஈடுபட்டதாக முன்னதாக சில உரிமைகோரல்கள் இருந்தாலும், பின்னர் அவர்கள் அதை மறுத்துள்ளனர்.
“ஜமாதுல் அஹ்ரார் இந்த சம்பவத்தில் ஈடுபட்டிருக்கலாம் என்று காவல்துறைக்கு சந்தேகம் உள்ளது” என்று IGP மௌசம் ஜா அன்சாரி கூறினார்.
“ஜமாத்துல் அஹ்ரார் TTP யில் ஓரளவுக்கு ஈடுபட்டுள்ளார், ஆனால் உமர் காலித் கொராசானியின் மரணத்திற்குப் பிறகு, அவர்கள் சில காலமாக பிளவுபட்டுள்ளனர். இதேபோல், IS-KPK உள்ளது. அவர்கள் நேற்று இரவு ஒரு உரிமை கோரலை வெளியிட்டனர், நாங்கள் அதை விசாரித்து வருகிறோம்.
“அத்தகைய குழுக்கள் பெரும்பாலும் மிகைப்படுத்தப்பட்ட கூற்றுக்களை வழங்குகின்றன. நாங்கள் எங்கள் விசாரணையை முன்னோக்கி கொண்டு செல்வோம், அவர்களின் கூற்றுகளை நாங்கள் நம்ப மாட்டோம், ”என்று அவர் மேலும் கூறினார்.
