துருக்கி தலைநகர் இஸ்தான்புல் கடைத் தெருவில் நடத்த குண்டுத் தாக்குதலை நடத்தியவர் என சந்தேகிக்கப்படும் இளம் பெண்ணை கைது செய்து தடுத்து வைத்துள்ளதாக துருக்கி பொலிசார் தெரிவித்துள்ளனர்.
இந்த குண்டுத்தாக்குதலில் 6 பேர் கொல்லப்பட்டனர். 81 பேர் காயமடைந்தனர்.
இஸ்திக்லால் பகுதியில் குண்டுத் தாக்குதல் நடந்த இடத்திலிருந்து அந்தப் பெண் தப்பியோடும் சிசிரிவி காட்சிகள் வெளியாகின.
ஹிஜாப், தோல் ஜாக்கெட் மற்றும் உருமறைப்பு போர் கால்சட்டை அணிந்த பெண், தாக்குதலுக்கு சில நிமிடங்களுக்கு முன்பு தப்பி ஓடுவது அதில் பதிவாகியுள்ளது.
சந்தேகத்திற்குரிய குண்டுதாரி கைது செய்யப்பட்டதை துருக்கியின் உள்துறை அமைச்சர் சுலேமான் சோய்லு உறுதிப்படுத்தினார்.
“குண்டை வீசிய நபர் எங்கள் பொது பாதுகாப்பு இயக்குநரகத்தால் தடுத்து வைக்கப்பட்டார்,” என்று அவர் கூறினார்.
பெண் சந்தேகநபரின் புகைப்படத்தை வெளியிட்ட துருக்கி பொலிசார், அவர் பற்றிய தகவலை கோரியிருந்தனர். கிடைத்த தகவலின் அடிப்படையில், சந்தேகத்திற்குரிய பெண்ணை ஏற்றி வந்த டாக்ஸி சாரதி அடையாளம் காணப்பட்டார். அதை தொடர்ந்து, சந்தேகத்திற்குரிய பெண் கைதானார்.
குண்டுதாரி பெண்ணாக இருக்கலாம் என்று கூறுவதற்கு சில ஆதாரங்கள் இருப்பதாக துருக்கியின் துணை ஜனாதிபதி ஃபுவாட் ஒக்டே கூறினார்.
“ஒரு பெண் என்று நாங்கள் கருதும் தாக்குதலாளியால் நடத்தப்பட்ட பயங்கரவாதச் செயல் என்று நாங்கள் நம்புகிறோம், வெடிகுண்டு வெடித்தது,” என்று அவர் கூறினார்.
