2022 ரி20 உலகக் கோப்பையின் குரூப் ஏ பிரிவில் நெதர்லாந்துக்கு எதிராக இலங்கை அணி நிர்ணயிக்கப்பட்ட 20 ஓவர்களில் 6 விக்கெட் இழப்புக்கு 162 ரன்கள் எடுத்தது.
தொடக்க ஆட்டக்காரர் குசல் மெண்டிஸ் அதிகபட்சமாக 44 பந்துகளில் 79 ரன்கள் எடுத்தார்.
அவர் தனது ஒன்பதாவது ரி20 அரைசதம் அடித்தார்.
சரித் அசலங்கா 30 பந்துகளில் 31 ரன்கள் எடுத்தார்.
நெதர்லாந்து தரப்பில் போல் வான் மீகெரன், பாஸ் டி லீட் ஆகியோர் தலா 2 விக்கெட்டுகளை வீழ்த்தினர்.
முன்னதாக, நெதர்லாந்துக்கு எதிரான போட்டியில் நாணயச்சுழற்சியில் வென்ற இலங்கை கப்டன் தசுன் ஷானக முதலில் துடுப்பாட்டத்தை தேர்வு செய்தார்.
செவ்வாய்க்கிழமை ஐக்கிய அரபு எமிரேட்ஸுக்கு எதிராக வெற்றி பெற்ற அணியில் இலங்கை இரண்டு மாற்றங்களைச் செய்துள்ளது.
காயமடைந்த துஷ்மந்த சமீர மற்றும் பிரமோத் மதுஷானுக்கு பதிலாக லஹிரு குமார மற்றும் பினுர பெர்னாண்டோ ஆகியோர் சேர்க்கப்பட்டனர்.
சமீரா இடது காலில் ஏற்பட்ட காயத்தால், நேற்று உலகக் கோப்பையில் இருந்து வெளியேறினார். அதே நேரத்தில் மதுஷன் தொடை தசைப்பிடிப்பு காரணமாக இன்றைய ஆட்டத்தில் இருந்து ஓய்வளிக்கப்பட்டார்.
தில்ஷன் மதுஷங்க மற்றும் தனுஷ்க குணதிலக ஆகியோருக்குப் பிறகு போட்டியிலிருந்து வெளியேறும் மூன்றாவது இலங்கை வீரர் சமீர ஆவார்.
காயமடைந்த மூன்று வீரர்களுக்கு பதிலாக கசுன் ராஜித, பினுர பெர்னாண்டோ மற்றும் அஷேன் பண்டார ஆகியோர் இலங்கை அணியில் சேர்க்கப்பட்டுள்ளனர்.
செவ்வாயன்று ஜீலாங்கில் நடந்த போட்டியில் ஐக்கிய அரபு எமிரேட்ஸ் அணியை 79 ரன்கள் வித்தியாசத்தில் இலங்கை தோற்கடித்தது.
இலங்கை தற்போதுஏ பிரிவில் மூன்றாவது இடத்தில் உள்ளது.
ஐக்கிய அரபு எமிரேட்ஸ் மற்றும் நமீபியாவுக்கு எதிராக இரண்டு வெற்றிகளுடன் நெதர்லாந்து புள்ளிகள் பட்டியலில் முதலிடத்தில் உள்ளது.
