கடந்த எட்டு வருடங்களில் நாட்டை ஆட்சிசெய்த அரசாங்கங்கள் நியமித்த, பத்து விசேட ஜனாதிபதி விசாரணை ஆணைக்குழுக்களுக்கு ரூ.504 மில்லியன் நிதி ஒதுக்கப்பட்டுள்ள தகவல் வெளியாகியுள்ளது.
தகவல் அறியும் உரிமைச் சட்டத்தின் கீழ் ஜனாதிபதி செயலகத்திற்கு அனுப்பப்பட்ட விண்ணப்பத்தின் மூலம், இந்த தகவல் தெரியவந்துள்ளது.
வழக்கம் போல, கோட்டாபய தலைமையிலான பொதுஜன பெரமுன அரசின் ஆட்சிக்காலத்திலேயே இதற்காக பெரும் தொகை நிதி விரயமாக்கப்பட்டுள்ளது. 2020 ஆம் ஆண்டில் அதிகபட்சமாக ரூ 120 மில்லியன் செலவிடப்பட்டது.
பொதுவாக கண்டுபிடிப்புகள், ஆலோசனைகள் மற்றும் பரிந்துரைகளை வெளியிடும் இந்த விசேட ஜனாதிபதி விசாரணை ஆணைக்குழுக்களின் முடிவுகள் குறித்து எந்த தகவலும் கிடைக்கவில்லை. எனவே, இந்தச் செலவினங்களிற்கு பலன் கிடைத்துள்ளதா என்பதை அளவிட முடியவில்லை.
மார்ச் 3, 2015 தொடக்கம் இந்த ஆண்டு ஜூன் 30 க்கு இடையில், இந்த விசேட ஜனாதிபதி விசாரணை ஆணைக்குழுக்கள் செயல்ப்பட்டன. அவற்றிற்கான பணம் ஒருங்கிணைக்கப்பட்ட நிதியிலிருந்து வழங்கப்பட்டது. கடந்த ஆண்டு நியமிக்கப்பட்ட ஆணைக்குழுக்கள் இன்னும் அமலில் உள்ளன.
முன்னாள் ஜனாதிபதி கோட்டாபய ராஜபக்ச 2020 மற்றும் 2021 க்கு இடையில் ஐந்து விசேட ஜனாதிபதி விசாரணை ஆணைக்குழுக்களை நியமித்தார். அவரது பதவிக்காலத்தில் மொத்தம் ரூ. 337 மில்லியன் செலவிடப்பட்டதாக ஜனாதிபதி செயலகம் தெரிவித்துள்ளது.
அரசியல் பழிவாங்கல்களை விசாரிக்கும் ஆணைக்குழு எதிரிசிங்க ட்ரஸ்ட் இன்வெஸ்ட்மென்ட்ஸ் லிமிடெட் நிறுவனத்தின் குற்றஞ்சாட்டப்பட்ட தவறுகள், முறைகேடுகள் மற்றும் முறைகேடுகள் பற்றிய விசாரணை மற்றும் அறிக்கை செய்வதற்கான ஆணைக்குழு, முந்தைய ஆணைக்குழுக்கள் மற்றும் குழுக்களின் கண்டுபிடிப்புகள் மற்றும் முன்னோக்கி செல்லும் வழியை மதிப்பிடுவதற்கான ஆணைக்குழு, மனித உரிமைகள் மற்றும் சர்வதேச மனிதாபிமானச் சட்ட மீறல்களை விசாரிக்கும் ஆணைக்குழு மற்றும் இலங்கை சுங்கத்தில் முறைகேடுகள் தொடர்பான ஆணைக்குழு ஆகியன கோட்டாவால் நியமிக்கப்பட்டன.
2015 முதல் நாட்டை பரிபாலித்த நல்லாட்சி அரசாங்கத்தின் ஐந்து ஆண்டுகளில், ஐந்து விசேட ஜனாதிபதி விசாரணை ஆணைக்குழுக்கள் நியமிக்கப்பட்டு, ரூ.254 மில்லியன் செலவிடப்பட்டது.
