அரச துறை ஊழியர்களுக்கான உடைகள் தொடர்பில் புதிய சுற்றறிக்கை இன்று வெளியிடப்படவுள்ளது.
அரச ஊழியர்களுக்கு பொருத்தமான உடையில் சேவைக்கு சமூகமளிக்கும் வகையில் இன்று சுற்றறிக்கை வெளியிடப்படவுள்ளதாக பொது நிர்வாகம், உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சு தெரிவித்துள்ளது.
அதன்படி, 2019 ஆம் ஆண்டு வெளியிடப்பட்ட சுற்றறிக்கையின்படி, ஆண் அரசு ஊழியர்கள் கால்சட்டை மற்றும் சட்டை அல்லது தேசிய உடையை அணிவது கட்டாயமாகும், அதே நேரத்தில் பெண் அதிகாரிகள் சேலை, கண்டியன் புடவை (ஒசாரி) அல்லது வேறு ஏதேனும் பொருத்தமான மற்றும் அடக்கமான ஆடைகளை அணிவது கட்டாயமாகும்.
அரச நிர்வாக அமைச்சின் செயலாளர் பி.கே.மாயாதுன்னே, சுற்றறிக்கை வெளியிடப்பட்டதைத் தொடர்ந்து, அரச ஊழியர்கள் அரச துறை சேவைக்கு பரிந்துரைக்கப்படும் ஆடைகளுக்கு மேலதிகமாக தங்களுக்கு விருப்பமான எந்தவொரு பொருத்தமான ஆடையையும் அணிய அனுமதிக்கப்படுவார்கள் என்று குறிப்பிட்டார்.
அரச ஊழியர்கள் பயன்படுத்தும் புடவைகள் மற்றும் ஏனைய ஆடைகளின் விலை அதிகரிப்பை கருத்திற் கொண்டு இந்த தீர்மானம் எடுக்கப்பட்டுள்ளதாக செயலாளர் தெரிவித்துள்ளார்.
