நாடு முழுவதிலுமுள்ள 12 எரிபொருள் நிரப்பு நிலையங்களுக்கு எரிபொருள் விநியோகத்தை இடைநிறுத்துவதற்கு தீர்மானம் எடுக்கப்பட்டுள்ளது.
தேசிய எரிபொருள் பாஸ் QR அமைப்பின் வழிகாட்டுதல்களுக்கு எரிபொருள் நிலையங்கள் இணங்கத் தவறியதால் இந்தத் தீர்மானம் எடுக்கப்பட்டுள்ளதாக எரிசக்தி அமைச்சர் காஞ்சன விஜேசேகர தெரிவித்துள்ளார்.
“பெற்றோலிய கூட்டுத்தாபனத்தின் சந்தைப்படுத்தல் பிரிவின் முன்னேற்ற மதிப்பாய்வு இன்று நடைபெற்றது, இதன் போது எரிபொருள் நிலையங்கள் மூலம் QR அமைப்பு செயல்படுத்துவது மதிப்பாய்வு செய்யப்பட்டது,” என்று அவர் கூறினார்.
மதிப்பாய்வின் அடிப்படையில் வழிகாட்டுதல்களுக்கு இணங்காத 12 நிலையங்களுக்கு எரிபொருள் விநியோகத்தை இடைநிறுத்த தீர்மானிக்கப்பட்டதாக அமைச்சர் மேலும் கூறினார்.
நிலையங்களைத் தொடர்ந்து கண்காணிக்கவும், பொதுமக்கள் பெறும் புகார்களை சம்பந்தப்பட்ட காவல் நிலையங்களில் சமர்ப்பிக்கவும் அறிவுறுத்தல்கள் வழங்கப்பட்டன என்றார்.
