2021 (2022) க.பொ.த உயர்தர பரீட்சைக்கான பயிற்சி வகுப்புகள், கருத்தரங்குகளை நடத்துவது நாளை – பெப்ரவரி முதலாம் திகதிக்குப் பின்னர் தடைசெய்யப்படும் என பரீட்சைகள் திணைக்களம் தெரிவித்துள்ளது.
பாடம் சார்ந்த விரிவுரைகள், கருத்தரங்குகள் அல்லது வகுப்புகளை ஏற்பாடு செய்தல், பரீட்சை சார்ந்த வினாத்தாள்களை அச்சிடுதல், விநியோகித்தல் மற்றும் இலத்திரனியல் ஊடகங்கள் ஊடாக விளம்பரம் செய்தல், சுவரொட்டிகள் மற்றும் பதாகைகளை விநியோகித்தல் ஆகியவை தடை செய்யப்பட்டுள்ளதாக பரீட்சைகள் ஆணையாளர் நாயகம் எல்.எம்.டி.தர்மசேன தெரிவித்தார்.
க.பொ.த உயர்தர பரீட்சை பெப்ரவரி 7ஆம் திகதி ஆரம்பித்து, மார்ச் 5ஆம் திகதி முடிவடையும்.
“ஒரு நபர் அல்லது ஒரு நிறுவனம் விதிமுறைகளை மீறினால், அருகிலுள்ள காவல் நிலையம், பரீட்சைகள் திணைக்களம் அல்லது பின்வரும் எண்களில் புகார் அளிக்கலாம்,” என்று அவர் கூறினார்.
பொலிஸ் தலைமையகம்: 0112421111
காவல்துறை அவசர எண்: 119
ஹொட்லைன் (பரீட்சைகள் திணைக்களம்): 1911
பாடசாலை பரீட்சை ஒழுங்கமைப்பு பிரிவு: 0112784208 / 0112784537
