இந்தியத் தலைநகர் புதுடில்லியில் எயார் இந்தியா விமானம் ஒன்று மேம்பாலத்தின் கீழ் மாட்டிக்கொண்ட காணொளி பரவலாகப் பகிரப்பட்டு வருகிறது.
சேவையிலிருந்து ஒதுக்கப்பட்ட அந்த விமானம் விற்கப்பட்டுள்ளது. அதைக் கொண்டுசெல்லும் வேளையில், அது மேம்பாலத்தின்கீழ் சிக்கிக்கொண்டது.
அதன் இறக்கைகள் அகற்றப்பட்டுவிட்டதாகக் காணொளியில் தெரிகிறது.
அந்த விமானத்திற்கும் தமக்கும் தொடர்பில்லை என எயார் இந்தியா நிறுவனம் அறிக்கையொன்றில் குறிப்பிட்டுள்ளது.
புதிய உரிமையாளர்கள் விமானத்தைக் கொண்டுசென்றனர் என்று அதில் குறிப்பிடப்பட்டது.
விமானம் சிக்கிக்கொண்ட காணொளி சமூகத் தளங்களில்வைரலாகி வருகிறது.
#WATCH An @airindiain plane ✈️ (not in service) got stuck under foot over bridge. Can anyone confirm the date and location?
The competition starts now👇 pic.twitter.com/pukB0VmsW3— Ashoke Raj (@Ashoke_Raj) October 3, 2021
இதற்கு முன்பு 2019ஆம் ஆண்டில் மேற்கு வங்காளத்திலும் அதுபோன்ற விமானம் ஒன்று பாலத்தின் அடியில் சிக்கிக்கொண்டது.
