பலாங்கொட பகுதியில் 12 வயதான சிறுமியை துஷ்பிரயோகம் செய்து, கர்ப்பிணியாக்கிய 71 வயதான தாத்தாவை விளக்கமறியலில் வைக்க நீதிமன்றம் உத்தரவிட்டுள்ளது.
ஹரமிட்டிகல பகுதியில் இந்த சம்பவம் நடந்தது.
அந்த பகுதியிலுள்ள தனியார் வைத்திய நிலையத்திற்கு சென்ற சிறுமி, சில மாதங்களாக தனக்கு மாதவிடாய் நிகழவில்லையென தெரிவித்துள்ளார்.
தாயாருடன் சிகிச்சைக்கு வருமாறு வைத்தியர் கூறியதை தொடர்ந்து, தனது தாயாருடன் சிகிச்சைக்கு சென்றுள்ளார். அவர்களை பலாங்கொட ஆதார வைத்தியசாலைக்கு வைத்தியர் அனுப்பியுள்ளார்.
சிறுமிக்கு மேற்கொள்ளப்பட்ட பரிசோதனையில் அவருக்கு 5 மாத கர்ப்பிணியென்பது தெரிய வந்தது.
இது தொடர்பாக பொலிசார் விசாரணை நடத்தியதில், சிறுமியின் 71 வயதான தாத்தாவே பலாத்காரம் செய்தது தெரிய வந்தது.
சிறுமி தற்போது, பலாங்கொட ஆதார வைத்தியசாலையில்அனுமதிக்கப்பட்டுள்ளார்.
தாத்தா கைது செய்யப்பட்டு, பலாங்கொட நீதிவான் நீதிமன்றத்தில் முற்படுத்தப்பட்டுள்ளார். அவர் இம்மாதம் 30ஆம் திகதி வரை விளக்கமறியலில் வைக்கப்பட்டுள்ளார்.
