COVID-19 தடுப்பூசி குறித்த தவறான தகவல்களை வீழ்த்தத் தயாராகிவிட்டார் ஒரு புதிய ‘சூப்பர் ஹீரோ’.
மஞ்சள் நிறக் தொப்பியை அணிந்தவாறு கப்டன் எம்பதி (Empathy), அதாவது பரிவு, அறிவியலுடன் கொரோனாத் தொற்றை எதிர்த்துப் போராடுகிறார்.
தடுப்பூசியின் முக்கியத்துவத்தை இளையர்களுக்குக் கற்பிப்பதற்காக, அமெரிக்காவின் கலிஃபோர்னியா மாநிலத்தில் மேடை ஏறுகிறார் கப்டன் எம்பதி.இது ஒரு மேடை நாடகமாகும்.
நாடகத்தில், இரு இளையர்களைத் தடுப்பூசி போடச் செய்வதன் மூலம் சூப்பர் ஹீரோ வைரஸ் தொற்றை வீழ்த்துவதாக நாடகம் அமைந்துள்ளது.
தடுப்பூசி பற்றிய தவறான தகவல்களால், பலரும் அதைப் போட்டுக்கொள்ளத் தயங்குவதாக நாடகத்தின் இயக்குநர் கூறினார். அவர்களின் எண்ணத்தை மாற்றும் சமூக முயற்சியே அந்த நாடகம் என்று அவர் சொன்னார்.
அமெரிக்காவில் இதுவரை 51 வீதமானவர்கள் மட்டுமே முழுமையாகத் தடுப்பூசி போட்டுக்கொண்டுள்ளனர்.
