ஜி.வி.பிரகாஷ் நடிக்கும் ‘பேச்சிலர்’ படத்தின் இசையமைப்பாளர் மாற்றம்.
தமிழ் திரையுலகில் முன்னணி இசையமைப்பாளராக வலம்வரும் ஜி.வி.பிரகாஷ், படங்கள் நடிப்பதிலும் கவனம் செலுத்தி வருகிறார். அவர் நடிப்பில் தற்போது ‘பேச்சிலர்’ படம் தயாராகி வருகிறது. டில்லிபாபு தயாரித்துள்ள இந்தப் படத்தை சதிஸ் செல்வகுமார் இயக்கி இருக்கிறார். இதில் ஜி.வி.பிரகாஷுக்கு ஜோடியாக இளம் நடிகை திவ்ய பாரதி நடித்துள்ளார். மேலும் முனிஷ்காந்த், பகவதி பெருமாள் ஆகியோர் முக்கிய கதாபாத்திரங்களில் நடித்துள்ளனர்.
படத்திற்கு முதலில் ஜி.வி.பிரகாஷ் இசையமைக்க ஒப்பந்தமாக இருந்தார். தொடர்ச்சியாக, திடீரென இசையமைப்பாளரை மாற்றி உள்ளனர். ஜி.வி.பிரகாஷுக்கு பதிலாக திபு நினன் தாமஸ் ஒப்பந்தமாகியுள்ளதாக படக்குழு அறிவித்துள்ளது. இவர் ஏற்கனவே மரகத நாணயம், கனா ஆகிய தமிழ் படங்களுக்கு இசையமைத்துள்ளார் என்பது குறிப்பிடத்தக்கது. திபு நினன் தாமஸ் இசையில் முதல் பாடல் விரைவில் வெளியிடப்படும் என ‘பேச்சிலர்’ படக்குழு அறிவித்துள்ளது.
