பிக்சல் 6 மற்றும் பிக்சல் 6 ப்ரோ மாடல்கள் ஆனது கூகுள் நிறுவனத்தின் கஸ்டம் சிப்செட் ஆன டென்சர் சோசி மூலம் இயங்குவது உறுதி செய்யப்படுகிறது. மேலும் இதன் வடிவமைப்பு எப்படி இருக்கும், எம்மாதிரியான கேமரா திறன்களை கொண்டிருக்கும் என்பதும் வெளிப்படுத்தப்பட்டுள்ளது. தொடர்ச்சியான ட்வீட்களின் வழியாக, வெண்ணிலா பிக்சல் 6 மற்றும் பிக்சல் 6 ப்ரோ உள்ளிட்ட வரவிருக்கும் பிக்சல் 6 சீரிஸ் போன்களின் சில முக்கிய விவரங்களை கூகுள் உறுதிப்படுத்தியுள்ளது.
மேற்குறிப்பிட்ட இரண்டு ஸ்மார்ட்போன்களும் மூன்று வயது வண்ண வகைகளில் வருவது உறுதி செய்யப்படுகிறது. மேலும் இந்த போன்களின் வடிவமைப்பு ஆனது முன்னதாக ஆன்லைனில் வெளியான லீக்ஸ்களில் காணப்பட்டதை போலவே உள்ளது.
கூகுள் வெளியிட்ட மிகப்பெரிய அறிவிப்புகளில் ஒன்று ‘கூகுள் டென்சர்’ ஆகும். கூகுள் டென்சர் என்பது பிக்சல் ஸ்மார்ட்போன்களுக்காக வடிவமைக்கப்பட்ட ஒரு SoC ஆகும், இதன் பொருள் சிப்செட் மேம்பட்ட திறன்களுடன் வரலாம் மற்றும் சந்தையில் உள்ள மற்ற ஸ்மார்ட்போன் சிப்செட்களை விட சிறப்பாக செயல்படலாம்.
கூகுள் பிக்சல் 6 மற்றும் பிக்சல் 6 ப்ரோ மற்றும் கேமரா:
கூகுள் பிக்சல் 6 சீரிஸ் போன்கள் இந்த ஆண்டின் இலையுதிர்காலத்தில் வெளியிடப்படும் மற்றும் அது சமீபத்திய ஆண்ட்ராய்டு 12 ஓஎஸ்-இல் இயங்குகிறது.
கூகுள் பிக்சல் 6 ப்ரோ பின்புறத்தில் ட்ரிபிள் ரியர் அமைப்புடன் 4x ஆப்டிகல் ஜூம் திறன் கொண்ட டெலிஃபோட்டோ லென்ஸுடன் வரும். மறுகையில் உள்ள பிக்சல் 6 ஆனது 6 ப்ரோவின் அதே கேமரா அமைப்பைக் கொண்டிருக்கும் ஆனால் டெலிஃபோட்டோ லென்ஸை இழக்கும்.
கூகுள் டென்சர் எனும் ஆல்-நியூ சிப்செட்:
கூகுள் டென்சர் சிப்செட்டால் ஆனது கூகுளின் மிக சக்திவாய்ந்த இயந்திர கற்றல் (எம்எல்) மற்றும் செயற்கை நுண்ணறிவு (ஏஐ) மாதிரிகளை நேரடியாக பிக்சல் 6 தொடர் போன்களில் செயலாக்க முடியும்.
இந்த சக்திவாய்ந்த சிப்செட் காரணமாக, பிக்சல் 6 பயனர்கள் சிறந்த கேமரா செயல்பாடுகள், மேம்பட்ட பேச்சு அங்கீகாரம் மற்றும் பல மேம்பட்ட அம்சங்களை ஸ்மார்ட்போன்களில் பார்க்க முடியும்.
Voice Commands, Captioning, Translation மற்றும் Dictation ஆகியவற்றில் டென்சர் பெரிய பாய்ச்சலை அனுமதித்துள்ளதாக கூகுள் தெரிவித்துள்ளது.
பிக்சல் 6 சீரிஸ் போன்களுக்கான கூகுள் மெட்டீரியல்:
பிக்சல் 6 சீரிஸ் ஸ்மார்ட்போன்களில் கூகுள் ‘மெட்டீரியல் யூ’ வை பயன்படுத்துகிறது. கூகுள் பிக்சல் 6 பின்வரும் மூன்று வண்ணங்களில் கிடைக்கும் – ஆரஞ்சு, வெளிர் கருப்பு மற்றும் வெளிர் மஞ்சள். மறுகையில் உள்ள கூகுள் பிக்சல் 6 ப்ரோ பின்வரும் வண்ணங்களில் கிடைக்கும் – கருப்பு, வெள்ளை மற்றும் மஞ்சள்.
பிக்சல் 6 மற்றும் பிக்சல் 6 ப்ரோ இரண்டிலும் செல்பீ சென்சாருக்காக ஸ்க்ரீனின் மேல் மையத்தில் உள்ள பஞ்ச்-ஹோல் கட்அவுட் உள்ளது. இரண்டு ஸ்மார்ட்போன்களிலும் கேமரா அமைப்பு ஒரே மாதிரியாக உள்ளது. உடலின் பின்புற மையத்தில் கூகுள் பிராண்டிங் உள்ளது.
கூகுள் பிக்சல் 6 சீரிஸின் ஒரு சிறந்த விஷயம் என்னவென்றால், உலகின் வேறு எந்த ஸ்மார்ட்போனையும் விட அதிக அடுக்கு வன்பொருள் பாதுகாப்பைக் கொண்டுள்ளன.
கேமரா சென்சார்களைப் பற்றியோ அல்லது சிப்செட் எவ்வளவு சக்தி வாய்ந்தது என்பதையோ நிறுவனம் அதிகம் பகிரவில்லை. ஆனால் கூகுள் டென்சர் சிப்செட்களால் இயக்கப்படும் பிக்சல் 6 தொடர் இந்த இலையுதிர்காலத்தில் தொடங்கப்படும் என்று கூகுள் அதிகாரப்பூர்வமாக அறிவிக்கப்பட்டுள்ளது.
எதிர்காலத்தில், கூகுள் அதன் பட்ஜெட் எடிஷன் ஸ்மார்ட்போன்களை விட அவரது பிக்சல் 6 சீரிஸ் ஸ்மார்ட்போன்களையே நேரடியாக இந்தியாவிற்கு வரலாம் என்றும் எதிர்பார்க்கப்படுகிறது.
