பிரபல காலணி உற்பத்தி நிறுவனமான NIKE சின்னம் மற்றும் விடுதலைப் புலிகளின் சின்னம் தாங்கிய காலணி தொடர்பாக சமூக ஊடகங்களில் பகிரப்படும் காட்சிகள் போலியானவை, அந்த வீடியோவில் சித்தரிக்கப்படுவது NIKE ஆல் தயாரிக்கப்படவில்லை என்று இலங்கை வெளிவிவகார அமைச்சு தெரிவித்துள்ளது.
NIKE சின்னம் மற்றும் விடுதலைப் புலிகளின் சின்னம் பொறிக்கப்பட்ட ஒரு ஜோடி காலணி தொடர்பாக வீடியோ சமூக வலைதளங்களில் பரவி வருவது குறித்து வெளிவிவகார அமைச்சு இந்த அறிவிப்பை விடுத்தது.
வெளிவிவகார அமைச்சகத்தின் தகவல் படி, வீடியோவில் சித்தரிக்கப்பட்ட காலணிகள் NIKE ஆல் தயாரிக்கப்படவில்லை என்பதை அந்த நிறுவனம் உறுதிப்படுத்தியது.
அறிவுசார் சொத்துக்களை துஷ்பிரயோகம் செய்ததை கண்டறிந்து நிறுவன நடைமுறையின்படி பொருத்தமான நடவடிக்கையெடுப்பதாக NIKE நிறுவனம் பதிலளித்துள்ளதாக வெளிவிவகார அமைச்சு தெரிவித்தது.
