மன்னிப்பு வழங்கிய கொலையாளியை நேரில் சந்தித்த மஹிந்த!

ஜனாதிபதியினால் பொது மன்னிப்பு வழங்கப்பட்ட கொலைக்குற்றவாளியான முன்னாள் பாராளுமன்ற உறுப்பினர் துமிந்த சில்வா, பிரதமர் மஹிந்த ராஜபக்ஷவை நேற்று சந்தித்தார்.

துமிந்த சில்வா தனது அதிகாரப்பூர்வ பேஸ்புக் பக்கத்தில் இந்த படத்தை பதிவிட்டுள்ளார்.

மரண தண்டனை விதிக்கப்பட்ட முன்னாள் நாடாளுமன்ற உறுப்பினர் துமிந்த சில்வா ஜூன் 24 அன்று ஜனாதிபதி பொதுமன்னிப்பின் கீழ் விடுவிக்கப்பட்டார்.

தண்டனை பெற்ற கொலைகாரனுக்கு மன்னிப்பு வழங்க இலங்கை ஜனாதிபதி கோட்டபாய ராஜபக்ஷ எடுத்த முடிவை ஐ.நா மற்றும் மனித உரிமை அமைப்புக்கள் விமர்சித்தன. இது சட்டத்தின் ஆட்சியைக் குறைமதிப்பிற்கு உட்படுத்துவதாக விமர்சித்திருந்தமை குறிப்பிடத்தக்கது.