நுகர்வோர் உரிமைகள் செயற்பாட்டாளர் அசேல சம்பத், பிலியந்தல பகுதியில் வைத்து நேற்று (25) இரவு பொலிஸாரினால் கைது செய்யப்பட்டுள்ளார்.
நேற்று இரவு 8.30 மணியளவில் ஒரு வாகனத்தில் சிஐடி என கூறி, அடையாளம் தெரியாத 20 பேரால் அழைத்து செல்லப்பட்டதாக அவரது குடும்பத்தினர் தெரிவித்தனர்.
யூடியூப் மற்றும் ஏனைய சமூக வலைத்தளங்கள் ஊடாக போலியான செய்தி ஒன்றை பதிவிட்டமை தொடர்பில் விசாரணைகளுக்காக அவர் கைது செய்யப்பட்டதாக பொலிஸ் ஊடகப் பேச்சாளரும் சிரேஷ்ட பிரதி பொலிஸ்மா அதிபருமான அஜித் ரோஹன தெரிவித்துள்ளார்.
குற்றப் புலனாய்வுத் திணைக்களத்தில் செய்யப்பட்ட முறைப்பாட்டுக்கு அமைய அவரிடம் விசாரணைகள் செய்யப்பட உள்ளதாக தெரிவிக்கப்படுகின்றது.
அக்ஸ்ட்ரா செனொகா கொவிட் தடுப்பூசியை இலங்கைக்கு எடுத்து வந்து அதில் சில தரமற்ற திரவங்களை கலந்ததன் பின்னர் மக்களுக்கு செலுத்துவதாக அவர் சமூக வலைத்தளங்கள் ஊடாக பொய்யான செய்தி ஒன்றைப் பரப்பியதாக அவருக்கு எதிராக முறைப்பாடு செய்யப்பட்டுள்ளது.
