31.3 C
Jaffna
March 28, 2024
மருத்துவம்

குழந்தைகளுக்கு மாதுளை கொடுப்பதன் நன்மைகள்!

குழந்தைகளின் ஆரோக்கியம் காப்பதில் பழங்கள் மிக முக்கிய பங்கு வகிக்கிறது. பழங்கள் மூலம் குழந்தையின் வயிற்றில் இருக்கும் புழுக்கள், பற் சொத்தையாக இருந்து உள்ளே புழுக்கள் இருந்தால் அதை வெளியேற்றவும் மாதுளை உதவி செய்யும்.

மாதுளை குழந்தைகளின் உடல் நல பிரச்சனைகளை போக்கும் சக்தியை கொண்டுள்ளது என்று சொல்லலாம்.

பிள்ளைக்கு வயிறு வலி அல்லது பற்சொத்தை தீவிரமாக இருந்தால் அந்த பிரச்சனையிலிருந்து விடுபட உணவு வழியாக முயற்சிக்கலாம். அதில் மாதுளை பழத்தை குழந்தைக்கு கொடுப்பதால் உண்டாகும் நன்மைகள் என்ன என்பதை பார்க்கலாம்.

​மாதுளை வயிற்றுக்கு நன்மை செய்யும்

குழந்தைகளுக்கு வயிற்றுப்போக்கு இருக்கும் போது மாதுளைச்சாறு கொடுக்கலாம். இது வைரஸ் அல்லது பாக்டீரியா தொற்று காரணமாக உண்டாகும் வயிற்றுப்போக்கு மற்றும் காலராவை குணப்படுத்தும் பண்புகளை கொண்டது.

மாதுளையின் தோல், இலைகள், பட்டை போன்றவை வயிற்றுகோளாறுகளை குணப்படுத்தும். வயிற்றில் புழுக்கள் இருப்பதால் குழந்தைகளுக்கு வயிறு வலி உண்டாகும்.

குழந்தைகளுக்கு ஊட்டச்சத்து மிக்க உணவு கொடுத்தாலும் அதை வயிற்றில் இருக்கும் பூச்சிகள் உறிஞ்சுவிடுவதால் குழந்தைகளுக்கு போதுமான சத்து கிடைப்பதில்லை. வயிற்றில் இருக்கும் பூச்சிகளை கொல்ல தொற்றுநோய்களுக்கு சிகிச்சை அளிக்க மாதுளை சாறு உதவுகிறது.

​பற்சொத்தைக்கு மருந்தாகும்

குழந்தைகளின் பற்கள் சொத்தையாக இருந்தால் அவை தீவிரமாகும் போது பற்சொத்தை பூச்சிகள் வரக்கூடும். இது குழந்தைகளிடம் பொதுவானது என்றாலும் பற்கள் தொடர்பான பிரச்சனைகளுக்கு சிகிச்சையளிக்க மாதுளை சாப்பிடலாம். மாதுளை குழந்தைகளின் பற்கள் பிரச்சனைகள் மற்றும் ஈறு அழற்சி போன்ற சிக்கல்களிலிருந்தும் பாதுகாக்கிறது.

மாதுளை பழத்தில் ஆன் டி வைரல் மற்றும் பாக்டீரியா எதிர்ப்பு பண்புகள் உள்ளது. இது பல் பிரச்சனைகளை போக்கவும், வாய்வழி ஆரோக்கியம் காக்கவும் உதவுகின்றன.

மாதுளை சாறு குடிப்பதால் காய்ச்சல் குறையகூடும். இது ஜலதோஷத்தை தடுக்கும். மேலும் சளி மற்றும் காய்ச்சலை குணப்படுத்தும் சிறந்த ஆக்ஸிஜனேற்றியாக செயல்படுகிறது.

​இரத்த சோகை மற்றும் புற்றுநோய் தடுக்கிறது

மாதுளை இரும்புச்சத்தை அளிக்க கூடியது. இது ஹீமோகுளோபின் அளவை அதிகரிக்க செய்கிறது. இரத்தத்தில் ஹீமோகுளோபின் அளவு அதிகரித்தால் இரத்தசோகை அறிகுறிகளான பலவீனம் மற்றும் தலைச்சுற்றல் போன்றவற்றை குறைக்கிறது.

மாதுளை ஒரு ஆக்ஸீஜனேற்றியாக செயல்படுகிறது. இதில் இருக்கும் ஃப்ளவனாய்டுகள் புற்றுநோய் செல்களை தடுப்பதில் பயனுள்ளதாக செயல்படுகிறது. தினமும் மாதுளைச்சாறு குடிப்பதால் குழந்தைகளுக்கு புற்றுநோய் வருவது தடுக்கப்படலாம்.

​எதிர்ப்பு சக்தி தரும் மாதுளை

மாதுளையில் அதிக அளவு விட்டமின் பி உள்ளது. இது நரம்பு மண்டலத்தை பலப்படுத்துகிறது. குழந்தைகளின் நோய் எதிர்ப்பு சக்தியை அதிகரிக்கும் வைட்டமின்கள் மூளை வேலையை சரியாக செய்ய உதவுகிறது.

இதில் உள்ள ஃபோலிக் அமிலம் குழந்தைகளின் உடலில் புதிய செல்களை உருவாக்குகிறது. உங்கள் குழந்தையின் நோய் எதிர்ப்பு சக்தி பலவீனமாக இருந்தால் அவர்களுக்கு தினமும் மாதுளைச்சாறு கொடுக்கலாம்

​குழந்தைக்கு எப்படி மாதுளை கொடுக்கலாம்

குழந்தைக்கு மாதுளம்பழத்தை உரித்து அதன் முத்துக்களை கப்பில் போட்டு கொடுக்க வேண்டும். வளர்ந்த குழந்தைகள் மென்று சாப்பிடும் பழக்கத்தை கொண்டிருந்தால் அவர்களுக்கு மாதுளையை அப்படியெ கொடுக்கலாம். மாதுளை விதைகள் சாப்பிடுவதை பிரச்சனையாக கொண்டிருக்கும் குழந்தைக்கு மாதுளை விதைகளை எடுத்து சாறாக்கி கொடுக்கலாம்.

குறிப்பு

மாதுளை குழந்தைகளுக்கு எப்போதும் ஒவ்வாமையை உண்டாக்காது. முகம் அல்லது கழுத்து பகுதியில் வீக்கம் அல்லது ஒவ்வாமையை வெகு அரிதாக சந்தித்தால் நீங்கள் மாதுளை சாறை தவிர்க்கலாம். மருத்துவரின் ஆலோசனையுடன் சிறிது சிறிதாக கொடுக்கலாம்

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

ஐந்தில் ஒரு பெண்கள் வாழ்நாளில் ஒரு முறையும் உடலுறவில் உச்சக்கட்டத்தை அனுபவிப்பதில்லை!

Pagetamil

புரையேறும் போது தலையில் தட்டலாமா?

Pagetamil

டாக்டர் ஞானப்பழத்தை கேளுங்கள்!

Pagetamil

மூட்டுவலி உள்ளவர்கள் தரையில் உட்காரக்கூடாது என்பது உண்மையா?

Pagetamil

டாக்டர் ஞானப்பழத்தை கேளுங்கள்!

Pagetamil

Leave a Comment