உங்கள் துணையின் மீது எமோசனலாக இருப்பது ஒன்றும் தவறில்லை. சிறிய அளவில் எமோசனலாக இருப்பவர்களுக்கு இது பிரச்சனையாக இருப்பதில்லை. மேலும், காதலர்கள், கணவன்/மனைவி என்றால் இப்படி பொசசிவ் இருப்பது அழகு தான். உங்கள் துணை அதை விரும்பவும் செய்வார்கள். ஆனால், கொஞ்சம் அதிகமாக அட்வான்டேஜ் எடுத்தால் தான் பூகம்பம் வந்து விடுகிறது. அனைத்து நேரமும் துணையை எதாவது அக்கறை கொள்கிறேன் என்று எதாவது சொல்லிக் கொண்டே இருந்தால் தான் பிரச்சனை வருகிறது. ஒருவேளை தற்பொழுது அவர்கள் அதை கண்டுக் கொள்ளாமல் விட்டாலும் பிற்காலத்தில் இது உங்களுக்குள் புது பிரச்சனையை உருவாக்கலாம். எனவே, இப்பொழுதே அவர்களுடன் பொசசிவாக இருப்பதை தவிர்ப்பதற்கு என்ன வழிகள் இருக்கின்றன என இந்த கட்டுரையில் பார்க்கலாம்.
நண்பர்களுடன் நேரம் செலவு செய்யுங்கள்:
அதாவது உங்கள் துணையவே உங்களது உலகமாக கருதி அனைத்து நேரங்களிலும் அவர்களுடனே இருக்காதீர்கள். அது அவர்கள் மீது அதிக கவனம் ஏற்படுத்தி, அவர்களை அடிக்கடி கட்டுபடுத்துவது, பொசசிவாக இருப்பது போன்ற செயல்களை செய்ய தூண்டும். இது உறவுக்குள் சிக்கலை ஏற்படுத்தும். எனவே, இதற்கு தீர்வாக உங்களது குடும்ப உறுப்பினர்கள், நண்பர்களுடன் கொஞ்சம் நேரம் செலவு செய்யுங்கள். அவர்களுடன் வெளியே செல்லுங்கள், பேசுங்கள் அப்பொழுது தான் உங்களுக்கு துணையுடன் மட்டுமே பொசசிவாக இருக்க வேண்டிய நிலை வராது.
புதியதாக எதாவது கற்றுக் கொண்டே இருங்கள்:
இந்த கட்டுரையின் நோக்கமே உங்கள் துணை மீது உங்களுக்கு இருக்கும் அதிக கவனத்தினை திசை திருப்புவது தான். அனைவருக்கும் ஒரு வாழ்க்கை இருப்பதை புரிந்துக் கொள்ளுங்கள். அனைவரும் சுதந்திரமாக இருக்க வேண்டும் என்பது அவசியம் ஆகும். எனவே, உங்களை பிசி ஆக்கி கொள்ள எதாவது கோர்ஸ், புது படிப்பு, புது முயற்சி, விளையாட்டு, புது வேலை என உங்களையே பிசி ஆக்கி கொள்ளுங்கள். அதில் நீங்கள் கவனம் செழுத்தும் போது உங்கள் ஆற்றல் முழுமையாக அதில் செலவு ஆகும். மேலும் வேறு புது மனிதர்கள் புது விசயம் என கவனிக்கும் போது உங்கள் துணை மீதான பொசசிவ் குறையும். மேலும், தன் மீது பாசம் காட்டுவதற்கு அவர்கள் மட்டுமே இருக்கிறார்கள் என்ற மாய பிம்பத்தில் சிக்காமல் நிறைய நண்பர்களை பெறுவதன் மூலம் உங்கள் எமோசனல் பேலன்ஸ் ஆகும்.
துணையுடன் போனில் பேசிக் கொண்டே இருக்காதீர்கள்
இந்த டிப்ஸை பயன்படுத்தினாலே பல பிரச்சனைகள் முடிவுக்கு வந்துவிடும். உங்கள் துணையுடன் நள் முழுக்க மெசேஜ் செய்துக் கொண்டு போன் பேசிக் கொண்டோ இருக்காதீர்கள். என்னால் புரிந்துக் கொள்ள முடிகிறது. உங்கள் பிரச்சனையை பகிர்ந்துக் கொள்ளவோ அல்லது உங்களுக்கு அவரது அருகாமை தேவைக்காகவே நீங்கள அவரிடம் பேசிக் கொண்டே இருக்கிறீர்கள். ஆனால், அவர்கள் வேலை அல்லது எதாவது மீட்டிங்கில் இருப்பார்கள், வகுப்பில் இருப்பார்கள், அந்த நேரத்தில் அவர்களுடன் நீங்களே பேசிக் கொண்டே இருந்தால் அவர்களுக்கு பாதிப்பு தானே! அதான் சொல்கிறோம், உங்கள் காதலே அவர்களுக்கு தொந்தரவாக மாறிவிடக் கூடாது. நீங்கள் உங்களை பிசி ஆக்கி கொள்ளலாம். அதாவது, புத்தகம் படிப்பது, ஓவியம் வரைவது, நண்பர்களுடன் பேசுவது என்று பிசியாகி கொண்டு உங்கள் துணை வீட்டிற்கு வந்த பிறகு பேசுங்கள். அவர்களும் ஓய்வாக இருப்பார்கள், உங்கள் மீது கவனம் செழுத்துவார்கள். அவர் வீட்டுக்கு வருவதற்கு காத்திருந்தீர்கள் என்று தெரிந்தால் ஒரு முத்தம் கூடவே கிடைக்கும், என்ஜாய்!
உங்கள் காதலை/உணர்வை எழுதுங்கள்:
நீங்கள் ரொம்ப எமோசனலாக இருக்கும் போது அதனை எழுதி வைக்கவும். உங்கள் காதலர் மீது பாசமோ, கோபமோ என எந்த உணர்வையும் எழுதுங்கள், அத்தனை உணர்வையும் அவர்களிடம் காட்ட வேண்டும் என்று இல்லை. இப்படி எழுதி வைத்தால் ஒரு டைரி போல பின்னால் நன்றாக பயன்படும். மேலும், அவர்களை தொந்தரவு செய்தது போலவும் இருக்காது. ஒரு கல்லில் இரண்டு மாங்கா!
பொழுதுபோக்கை அதிகரியுங்கள்:
நிறைய நேரம் சும்மாவே இருந்தாலும் துணை அருகில் வேண்டும் என்று தோன்றும். எனவே, உங்களை பிசி ஆக்க நல்ல பொழுதுபோக்கை கையாளுங்கள். பயணம் செய்யலாம், ஓவியம் வரையலாம்,புத்தகம் படிக்கலாம். செடி வளர்க்கலாம் என ஓய்வு நேரத்தை பயனுள்ளதாக பார்த்து கொண்டால் உங்கள் உணர்வுகள் மடை மாற்றப்படும். உங்கள் துணையிடம் பாராட்டையும் பெறலாம்.
புத்தகம் வாசிப்பு மற்றும் தியானத்திற்கு ஹாய் சொல்லுங்கள்:
தியானம் செய்வது, புத்தகம் வாசிப்பது என்று இரண்டையும் செய்தாலே உங்கள் வாழ்க்கையில் நல்ல முன்னேற்றத்தினை பார்க்கலாம். இரண்டும் உங்களின் கவனத்தினை ஒருமுகப்படுத்தி வைக்க உதவும். நிறைய கதைகள் தெரிந்துக் கொள்வீர்கள், கதையில் இருப்பது போல புது வாழ்க்கை முறை, உணவு என பல புது விசயங்களில் கவனம் செழுத்துவீர்கள். இது உங்கள் பார்ட்னரை நம்பி இருப்பதை தவிர்க்க உதவும்.
உங்களை நீங்களே உற்சாகப்படுத்துங்கள்:
எப்பொழுதும் உங்கள் பார்ட்னர் உங்களை கவனித்துக் கொண்டே இருக்க வேண்டும் என்று நினைக்காதீர்கள், உங்களை நீங்களே உற்சாகப்படுத்துங்கள், டல்லாக இருந்தீர்கள் என்றால் நீங்களே கொஞ்ச தூரம் பயணம் செய்து பிடித்த உணவை ஒரு பிடி பிடியுங்கள். உங்கள் மனம் எளிதாகி விடும். நீங்கள் எதாவது சிறப்பாக செய்தால் உங்களை நீங்களே பாராட்டுங்கள்.
