3 வயதுடைய சில குழந்தைகள் உட்பட சுமார் 215 குழந்தைகளின் சடலங்களின் எச்சங்கள், ஒரு காலத்தில் கனடாவின் மிகப் பெரிய சுதேச குடியிருப்புப் பாடசாலையாக இருந்த இடத்தில் கண்டறியப்பட்டுள்ளது.
இது கனடா முழுவதிலுமிருந்து, அந்த நாட்டின் பூர்வீக பழங்குடியின குடும்பங்களிலிருந்து எடுக்கப்பட்ட குழந்தைகளை கட்டாயமாக தங்கவைத்து கல்வி கற்றுத் தரும் நிறுவனங்களில் ஒன்றாகும்.
இது தொடர்பாக வெளியான ஒரு அறிக்கையில், கடந்த வார இறுதியில் எஞ்சியுள்ளவை தரையில் ஊடுருவி ரேடார் உதவியுடன் உறுதி செய்யப்பட்டன எனத் தெரிவிக்கப்பட்டது. எனினும் பாடசாலை மைதானத்தில் தேட வேண்டிய பகுதிகள் அதிகம் இருப்பதால் அதிகமான சடலங்கள் காணப்படலாம் என்று கூறப்படுகிறது.
முந்தைய வெளியீட்டில், இந்த கண்டுபிடிப்பை “நினைத்துப் பார்க்க முடியாத இழப்பு பற்றி பேசப்பட்டது. ஆனால் கம்லூப்ஸ் இந்தியன் ரெசிடென்ஷியல் ஸ்கூலில் ஆவணப்படுத்தப்படவில்லை” என்று அவர் அழைத்தார்.
பின்னணி என்ன?
19 ஆம் நூற்றாண்டு முதல் 1970 கள் வரை, கனடாவின் பூர்வகுடி மக்களை அங்கு ஆக்கிரமித்தவர்களுடன் இணைக்கும் திட்டத்தின் ஒரு பகுதியாக, 1,50,000 க்கும் மேற்பட்ட கனடாவின் பழங்குடி குழந்தைகள் அரசு நிதியுதவி பெற்ற கிறிஸ்தவ பாடசாலைகளில் கட்டாயமாக சேர்க்கப்பட்டனர். இதற்காக அவர்கள் வலுக்கட்டாயமாக தங்கள் குடும்பத்தில் இருந்து பிரிக்கப்பட்டனர்.
குடியிருப்பு பாடசாலைகள் என அழைக்கப்படும் இடங்களில் தங்க வைக்கப்பட்டனர். அனேகமாக கிறிஸ்தவ பாதிரியார்களின் கண்காணிப்பிலேயே இவை இயங்கின.
அவர்கள் கிறிஸ்தவ மதத்திற்கு மாற வேண்டிய கட்டாயம் ஏற்பட்டது. அவர்களுடைய சொந்த மொழிகளைப் பேச அனுமதிக்கப்படவில்லை. கனேடிய ஆங்கிலத்தை மட்டுமே பேச வற்புறுத்தப்பட்டனர். பலர் அடித்து வாய்மொழியாக துஷ்பிரயோகம் செய்யப்பட்டனர்.
அவர்களிற்கு முறையான உணவு வழங்கப்படவில்லை. பட்டினி மற்றும் தாக்குதல்களால் 6,000 பேர் வரை இறந்துவிட்டதாக கூறப்படுகிறது.
இதற்காக, கனேடிய அரசாங்கம் 2008 இல் பாராளுமன்றத்தில் மன்னிப்பு கோரியதுடன், பாடசாலைகளில் உடல் மற்றும் பாலியல் துஷ்பிரயோகம் பரவலாக இருந்ததாக ஒப்புக் கொண்டது. பல மாணவர்கள் தங்கள் சொந்த மொழிகளைப் பேசியதற்காக தாக்கப்பட்டதை நினைவுகூர்ந்தார்கள் மற்றும் அவர்கள் பெற்றோர் மற்றும் தங்களின் பழக்க வழக்கங்களுடனான தொடர்பையும் இழந்தனர்.
ஐந்து ஆண்டுகளுக்கு முன்னர் ஒரு உண்மை மற்றும் நல்லிணக்க ஆணைக்குழுவின் ஒரு அறிக்கை துஷ்பிரயோகம் மற்றும் புறக்கணிப்புக்கு இடையே குறைந்தது 3,200 குழந்தைகள் இறந்துவிட்டதாகக் கூறியது. மேலும் 1915 மற்றும் 1963 க்கு இடையில் கம்லூப்ஸ் இந்தியன் ரெசிடென்ஷியல் ஸ்கூலில் மட்டும் குறைந்தது 51 பேர் இறந்ததாக அது கூறியுள்ளது. குடியிருப்பு பாடசாலைகளில் இதுவே மிகப்பெரியது
“இது உண்மையில் ரெசிடென்ஷியல் பாடசாலைகளின் பிரச்சினை மற்றும் பழங்குடி மக்களுக்கு எதிரான இந்த இனப்படுகொலையின் காயங்களிலிருந்து மீண்டும் உருவாகிறது” என்று பிரிட்டிஷ் கொலம்பியாவின் பிராந்திய தலைவரான டெர்ரி டீஜி வெள்ளிக்கிழமை தெரிவித்தார்.
பிரிட்டிஷ் கொலம்பியா பிரதமர் ஜான் ஹொர்கன் இந்த சம்பவத்தால் திகிலடைந்து, மனம் உடைந்து போனதாகக் கூறினார். இது கற்பனை செய்யமுடியாத விகிதாச்சாரத்தின் ஒரு சோகம் என்று அவர் மேலும் கூறினார்.
கம்லூப்ஸ் பாடசாலை 1890 மற்றும் 1969 க்கு இடையில் இயங்கியது. கனேடிய மத்திய அரசு கத்தோலிக்க திருச்சபையின் நடவடிக்கைகளை தடை செய்து 1978’இல் மூடப்படும் வரை அது இயக்கியது.
