மொரட்டுமுல்லவில் தடுப்பூசி போடும் விவகாரத்தில் ஏற்பட்ட சர்ச்சை தொடர்பாக இன்று கைது செய்யப்பட்ட மொரட்டுவ நகரசபை முதல்வர் சமன் லால் பெர்னாண்டோ, ஜூன் 11 ஆம் திகதி வரை விளக்கமறியலில் வைக்கப்பட்டுள்ளார்.
மொரட்டுவ நீதிவான் நீதிமன்றம் இந்த உத்தரவை பிறப்பித்தது.
இந்த சம்பவம் தொடர்பான சி.சி.டி.வி காட்சிகளை மறுஆய்வு செய்வதாகவும், தனிமைப்படுத்தப்பட்ட கட்டளை மற்றும் தண்டனைச் சட்டத்தின் கீழ் மேலும் நடவடிக்கை எடுக்கப்படவுள்ளதாகவும் பொலிஸ் பேச்சாளர் கூறினார்.
பெர்னாண்டோ மவுண்ட் லவ்னியா பொலிசில் சரணடைந்த பின்னர் இன்று காலை கைது செய்யப்பட்டார்.
தடுப்பூசி செலுத்த வந்து மருத்துவ ஊழியர்கள் தங்கள் கடமைகளைச் செய்வதை, நகரசபை முதல்வர் தடுத்ததாக புகார் அளிக்கப்பட்டதாக போலீசார் தெரிவித்தனர்.
இந்த சம்பவம் தொடர்பாக பகுதி சுகாதார அலுவலர் காவல்துறையினரிடம் ஒரு அறிக்கையை பதிவு செய்தார். அதை தொடர்ந்து, மேயரைக் கைது செய்ய ஒரு சிறப்பு குழு நியமிக்கப்பட்டது. இருப்பினும், சமன் லால் பெர்னாண்டோ இன்று காலை பொலிசில் சரணடைந்தார்.
