விஜய் டிவியில் அவதார் படம் வரும் வெள்ளிக்கிழமை ஒளிபரப்பாக உள்ளது. அது பற்றி விஜய் டிவி போட்டிருக்கும் ட்விட் பார்த்து நெட்டிசன்கள் ‘உங்களை நீங்களே கலாய்சிக்கிட்டா எப்படி?’ என கேட்டு வருகின்றனர்.
கொரோனா லாக்டவுன் காரணமாக விஜய் டிவியில் தற்போது சீரியல்கள் திங்கள் முதல் வியாழன் வரை ஒளிபரப்பாகி வருகின்றன. லாக்டவுன் போடப்பட்ட காரணத்தால் புதிய எபிசோடுகளுக்கான ஷூட்டிங்கை நடந்த முடியாத சூழல் உள்ளதால் தான் இந்த முடிவை எடுத்து இருக்கின்றனர். இதே போர்முலாவை தான் மற்ற டிவி சேனல்களும் பின்பற்றி வருகின்றன.
இந்நிலையில் வரும் வெள்ளிக்கிழமை இரவு சீரியல்களுக்கு பதில் விஜய் டிவியில் அவதார் படம் ஒளிபரப்பாக உள்ளது. அதனால் தற்போது அதை விளம்பரப்படுத்தும் பணிகளை விஜய் டிவி செய்து வருகிறது.
ட்விட்டரில் விஜய் டிவி பதிவிட்டு உள்ளது தான் ஹலைட். விஜய் டிவி போட்ட படத்தையே அடிக்கடி ஒளிபரப்புகிறார்கள் என்று விமர்சனம் பலவருடங்கங்களாகவே வைக்கப்பட்டு வருகிறது. அதை குறிப்பிடும் வகையில் விஜய் டிவி பதிவிட்டு உள்ளது. “God promise! இந்த படத்த ஒடனே திரும்பவும் போட வாய்ப்பில்ல..” என விஜய் டிவி குறிப்பிட்டு உள்ளது.
“அட…உங்களை நீங்களே கலாய்சிக்கிட்டா எப்படீ… அப்புறம் நாங்கெல்லாம் எதுக்கு இருக்கோம்” என நெட்டிசன் ஒருவர் கேட்டிருக்கிறார்.
