கார்த்திக் சுப்புராஜ் இயக்கத்தில் உருவாகியுள்ள ‘ஜகமே தந்திரம்’ திரைப்படத்தில் தனுஷ் எழுதி பாடி, சந்தோஷ் நாராயணன் இசையமைத்துள்ள ‘நேத்து’ பாடல் வெளியாகியுள்ளது.
கார்த்திக் சுப்புராஜ் இயக்கத்தில் தனுஷ் நடிப்பில் கேங்ஸ்டார் படமாக உருவாகியுள்ள ‘ஜகமே தந்திர’ம் திரைப்படத்தின் புதிய பாடலை இன்று மதியம் 11 மணிக்கு வெளியிட இருந்தனர் படக்குழுவினர். இந்நிலையில் ‘நேத்து’ பாடல் அதிகாரப்பூர்வமாக வெளியாவதற்கு முன்னே லீக் ஆகி படக்குழுவினருக்கு அதிர்ச்சியை தந்தது. இதனால் தற்போது அவசர அவசரமாக ஜகமே தந்திரம் திரைப்படத்தின் முதல் பாடலை வெளியிட்டுள்ளனர் படக்குழுவினர்.
கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள திரைப்படம் ‘ஜகமே தந்திரம்’. சந்தோஷ் நாராயணன் இசையமைத்துள்ள இந்த திரைப்படத்தை , ஒய் நாட் ஸ்டுடியோஸ் நிறுவனம் தயாரித்துள்ளது. நீண்ட காலமாக தனுஷ் ரசிகர்கள் காத்திருப்பில் இருக்கின்றனர். சென்றே ஆண்டே வெளியாகி இருக்க வேண்டிய இந்த திரைப்படம் கொரோனா ஊரடங்கு, திரையரங்குகள் மூடல் போன்ற காரணத்தால் ரிலீஸ் ஆகாமல் இருந்தது.
இந்நிலையில் நெட்பிளிக்ஸில் வெளியாகயுள்ள ஜகமே ‘தந்திரம்’ திரைப்படத்தின் புதிய போஸ்டரை இயக்குநர் கார்த்திக் சுப்புராஜ் தனது ட்விட்டர் பக்கத்தில் பகிர்ந்து, இந்த கடினமான நேரத்தில் கொஞ்சம் லவ்வை பரப்புவோம் என்ற கேப்ஸனுடன் படத்தின் புதிய பாடலை வெளியிட உள்ளதாக அறிவித்திருந்தார். இதனால் குஷியான தனுஷ் ரசிகர்கள் இன்று காலை 11 மணிக்கு வெளியாகும் நேத்து பாடலுக்காக ஆர்வமுடன் காத்திருந்தனர்.
இந்நிலையில் இன்று காலை ‘ஜகமே தந்திரம்’ திரைப்படத்தின் ‘நேத்து’ பாடல் இணையத்தில் லீக் ஆனதாக வலைத்தளங்களில் பரபரப்பாக பேசப்பட்டது. இதனால் கடுப்பான தனுஷ் ரசிகர்கள் அதிகாரப்பூர்வமாக வெளியாகும் வரை காத்திருக்கும் படியும், யாரும் பாடலை பகிர வேண்டாம் என்றும் வேண்டுகோள் விடுத்தனர். இந்நிலையில் ‘நேத்து’ பாடல் இணையத்தில் லீக்கான விஷயத்தை கேட்டு ஷாக்கான ‘ஜகமே தந்திரம்’ படக்குழு அவசர அவசரமாக பாடலை வெளியிட்டுள்ளது.
தனுஷ் எழுதி, பாடி சந்தோஷ் நாரயணன் இசையமைத்துள்ள இந்த பாடல் ரசிகர்களிடம் வரவேற்பை பெற்றுள்ளது. மெலோடி காதல் பாடலாக வெளியாகியுள்ள நேத்து பாடலில் தனுஷ், ஐஸ்வர்யா லட்சுமியின் கெமிஸ்ட்ரி டக்கராக வந்துள்ளதாக தனுஷ் ரசிகர்கள் கமெண்ட் செய்து வருகின்றனர். கர்ணன் திரைப்படம் குறித்த அப்டேட்களை உடனுக்குடன் வழங்கி வந்த நடிகர் தனுஷ், ஜகமே தந்திரம் திரைப்படம் குறித்த எந்தவொரு செய்திக்கும் வாய் திறக்காமல் இருப்பது குறிப்பிடத்தக்கது.
