தனுஷ் நடிப்பில் உருவாகியுள்ள ஜகமே தந்திரம் திரைப்படத்தின் முதல் பாடல் வருகின்ற 22 ஆம் திகதி வெளியாக உள்ளதாக இயக்குனர் கார்த்திக் சுப்புராஜ் தனது ட்விட்டர் பக்கத்தில் தெரிவித்துள்ளார்.
கார்த்திக் சுப்புராஜ் இயக்கத்தில் தனுஷ் நடிப்பில் கேங்ஸ்டார் படமாக உருவாகியுள்ள ஜகமே தந்திரம் திரைப்படத்திற்கு நீண்ட காலமாக தனுஷ் ரசிகர்கள் காத்திருப்பில் இருக்கின்றனர். சென்றே ஆண்டே வெளியாகி இருக்க வேண்டிய இந்த திரைப்படம் கொரோனா ஊரடங்கு, திரையரங்குகள் மூடல் போன்ற காரணத்தால் ரிலீஸ் ஆகாமல் இருந்தது. இந்நிலையில் ஜகமே தந்திரம் திரைப்படம் குறித்த ஒரு முக்கிய அறிவிப்பை தனது ட்விட்டர் பக்கத்தில் பகிர்ந்துள்ளார் இயக்குநர் கார்த்திக் சுப்புராஜ்.
கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள திரைப்படம் ‘ஜகமே தந்திரம்’. சந்தோஷ் நாராயணன் இசையமைத்துள்ள இந்த திரைப்படத்தை , ஒய் நாட் ஸ்டுடியோஸ் நிறுவனம் தயாரித்துள்ளது.பெரும் பொருட்செலவில் உருவாகியுள்ள இந்த திரைப்படத்தின் படப்பிடிப்பு கடந்த ஆண்டே நிறைவடைந்தது. கொரனோ ஊரடங்கு காரணமாக படம் வெளியாகாமல் இருந்தது.
இந்நிலையில் ‘ஏலே’ பட வெளியீடு தொடர்பாகத் திரையரங்க உரிமையாளர்களுடன் தயாரிப்பாளர் சசிகாந்துக்கு கருத்து வேறுபாடு ஏற்பட்டது.இதனைத் தொடர்ந்து, ‘ஏலே’ திரைப்படத்தை விஜய் தொலைக்காட்சிக்கு நேரடி ஒளிபரப்பிறகு கொடுத்துவிட்டார். இதன் காரணமாக ‘ஜகமே தந்திரம்’ படத்தையும் ஓடிடி வெளியீட்டுக்கு கொடுக்க முடிவு செய்தனர் படக்குழுவினர்.இது தொடர்பாக தயாரிப்பு தரப்பிற்கும் , தனுஷிற்கும் இடையே மோதல் உருவானது.இறுதியில் இந்த திரைப்படத்தை பெரும் விலை கொடுத்து கைப்பற்றியது நெட்பிளிக்ஸ் நிறுவனம்.
இந்நிலையில் இந்த படத்தின் புதிய போஸ்டரை இயக்குநர் கார்த்திக் சுப்புராஜ் தனது ட்விட்டர் பக்கத்தில் வெளியிட்டுள்ளார். வரும் 22ம் தேதி ஜகமே தந்திரம் படத்தின் நேத்து என துவங்கும் பாடல் வெளியாக உள்ளதாகவும் கார்த்திக் சுப்புராஜ் தெரிவித்துள்ளார். இந்த கடினமான நேரத்தில் கொஞ்சம் லவ்வை பரப்புவோம் என்று போஸ்டருக்கு கேப்சன் கொடுத்துள்ளார்.
இந்நிலையில் வருகின்ற ஜூன் 18 ஆம் தேதி ‘ஜகமே தந்திரம்’ திரைப்படம் நெட்பிளிக்சில் வெளியாகிறது. அண்மையில் வெளியான கர்ணன் திரைப்படம் ரசிகர்களிடம் நல்ல வரவேற்பை பெற்றது. தற்போது தனுஷ் தி கிரே மேன் ஹாலிவுட் திரைப்படத்தின் படப்பிடிப்பிற்காக அமெரிக்காவில் உள்ளார். கர்ணன் திரைப்படத்தின் வெற்றியை தொடர்ந்து, இரண்டாவது முறையாக தனுஷ் மாரி செல்வராஜ் இயக்கத்தில் நடிக்கவுள்ளது குறிப்பிடத்தக்கது.
