கர்ப்பிணி மூன்றாவது ட்ரைமெஸ்டர் காலங்களில் எடுத்துகொள்ள வேண்டிய முக்கியமான சத்துகள் மற்றும் தவிர்க்க வேண்டியவை என்ன என்பது குறித்து தெரிந்துகொள்வோம்.
கர்ப்பகாலம் மூன்று மாதங்கள் ஒரு ட்ரைமெஸ்டர் என ஒன்பது மாதங்களும் மூன்று ட்ரைமெஸ்டர் காலங்களாக பிரிக்கப்பட்டுள்ளது. அதில் மூன்றாவது ட்ரைமெஸ்டர் காலத்தில் பிரசவக்காலத்தை எட்டி இருப்பார்கள். இந்த காலத்தில் பிடித்த உணவுகளை சாப்பிடுவதற்கு உடல் கர்ப்ப அறிகுறிகளை காட்டாது என்றாலும் இந்த காலத்திலும் நீங்கள் ஆரோக்கியமான உணவை தொடர்வதன் மூலம் பிரசவம் சுகமாவது சாத்தியமாகும்.
மேலும் குழந்தையின் சரியான வளர்ச்சியையும் உறுதி செய்ய முடியும் அப்படி ஏழாம் மாதங்களில் சேர வேண்டிய சத்துகள், தவிர்க்க வேண்டிய உனவுகள் குறித்து பார்க்கலாம்.
கர்ப்பகாலத்தில் முன்றாம் ட்ரைமெஸ்டர்
கர்ப்பத்தின் மூன்றாம் ட்ரைமெஸ்டர் அதாவது கர்ப்பிணிக்கு 7 முதல் 9 ஆம் மாத காலம் முக்கியமான காலகட்டம். குழந்தையின் வளர்ச்சி தாயின் உணவை பொறுத்தது என்று சொல்லலாம்.
இந்த காலத்தில் தினமும் 200 கலோரிகள் கூடுதலாக தேவைப்படும். போதுமான அளவு வைட்டமின்கள், நார்ச்சத்து மற்றும் தாதுக்கள் தேவைப்படும். உங்கள் உணவில் சேர்க்க வேண்டியது என்ன என்று பார்க்கலாம்.
இரும்புச்சத்து நிறைந்த உணவுகள்
இரும்புச்சத்து இல்லாத உணவு கர்ப்பிணிக்கு இரத்த சோகையை உண்டாக்கும். இரும்புச்சத்து குறைபாடு இருக்கும் போது கர்ப்பிணிக்கு மயக்கம் மற்றும் சோர்வு இருக்கும். இது பிரசவத்தின் போது அதிக உதிரபோக்கை உண்டாக்க செய்யும். அதனால் இரும்புச்சத்து நிறைந்த உணவுகள் எடுத்துகொள்வது அவசியம்.
கர்ப்பத்தி இறுதி மூன்று மாத உணவில் இறைச்சி, பால் பொருள்கள், முட்டை, பீன்ஸ் வகைகள் போன்றவற்றை சேர்க்கலாம்.
புரதம் நிறைந்த உணவுகள்
மூன்றாம் ட்ரைமெஸ்டர் காலங்களில் உடலுக்கு தினசரி 70 கிராம் அளவு புரதம் தேவை. இது குழந்தையின் உடலை உருவாக்க உதவுகிறது. புரதம் நிறைந்த உணவுகளை எடுத்துகொள்வதன் மூலம் இரத்த குளுக்கோஸ் அளவு நிலையானதாக இருப்பதோடு நீரிழிவு நோயை குறைக்க செய்யும்.
டோஃபு, பருப்பு வகைகள், மீன், இறைச்சி போன்ற உணவுகளை சேர்க்கலாம்.
டி.ஹெச்.ஏ உணவுகள்
கர்ப்பகாலத்தில் கர்ப்பிணிகள் டி.ஹெச் உணவுகள் எடுத்துகொள்வது குழந்தையின் மூளைக்கு நன்மை செய்யும். தினமும் 200 மில்லி கிராம் டி.ஹெச்.ஏ (டோகோசாஹெக்ஸெனாயிக் அமிலம்) தேவைப்படும்.
உணவில் பால், முட்டை மற்றும் பழங்களை சேர்ப்பதன் மூலம் கர்ப்பிணி டி.ஹெச். ஏ முழுமையாக பெறலாம்
ஃபோலிக் அமிலம் நிறைந்த உணவுகள்
ஃபோலிக் அமிலம் கீரை மற்றும் அடர்ந்த பச்சை இலை காய்கறிகளில் உள்ளது. இதை கர்ப்பத்தின் தொடக்கம் போன்று கர்ப்பத்தின் மூன்றாம் ட்ரைமெஸ்டர் காலங்களிலும் சேர்க்கலாம். ஃபோலிக் அமிலம் நிறைந்த உணவுகள் சரியான கரு வளர்ச்சியை உறுதி செய்யும் குழந்தை எடை குறைந்து பிறக்கும் ஆபத்தை குறைக்கும்.
உணவில் கீரைகள், பீன்ஸ் வகைகள் மற்றும் சிட்ரஸ் பழங்களை சேர்ப்பதன் மூலம் ஃபோலிக் அமிலம் பெறலாம்.
கால்சியம் நிறைந்த உணவுகள்
கால்சியம் உணவுகள் கர்ப்பத்தின் மூன்றாவது மூன்றூ மாதங்களில் குழந்தையின் எலும்புகளை வலுவாக வைத்திருக்க செய்யும். கர்ப்பகாலத்தில் உணவில் சுமார் 800 மி.கிராம் வரை கால்சியம் இருக்க வேண்டும்.
கால்சியம் தேவைகளை பூர்த்தி செய்ய சீஸ், டோஃபு, தயிர் என பால் பொருள்களை உணவில் சேர்க்கலாம். சால்மன் மீன், கொட்டைகள் கால்சியத்தின் சிறந்த ஆதாரங்கள்.
மெக்னீசியம் நிறைந்த உணவுகள்
உடலுக்கு மெக்னீசியம் சத்தும் அவசியம். இது கால்சியத்தை உறிஞ்சி சேதமடைந்த உடல் திசுக்களை சரி செய்ய உதவுகிறது. மெக்னீசியம் நிறைந்த உணவுகள் உணவில் அவசியம் சேர வேண்டும். 350 முதல் 400 மில்லி கிராம் வரை மெக்னீசியம் அவசியம்.
பாதாம், பூசணி விதைகள், பார்லி, ஓட்ஸ், பீன்ஸ் போன்றவற்றை சேர்க்கலாம். இந்த உணவுகள் தசைப்பிடிப்புகளிலிருந்து நிவாரணம் அளிக்கும். குறைபிரசவம் ஆகும் ஆபத்தை குறைக்க செய்யும்.
வைட்டமின் சி. பி 6 மற்றும் பி12
-6-12
இந்த வைட்டமின் நிறைந்த உணவுகள் தசை மற்றும் நஞ்சுக்கொடி வளர்ச்சி மூலம் குழந்தையின் வளர்ச்சியில் முக்கிய பங்கை கொண்டுள்ளது.
பழங்கள் மற்றும் காய்கறிகள்
பழங்கள் மற்றும் காய்கறிகள் கர்ப்பகாலத்தில் எல்லா காலங்களிலும் முக்கியமானது. இது உடலுக்கு தேவையான பல்வேறு ஊட்டசத்துக்களை வழங்க முடியும்.
நார்ச்சத்து நிறைந்த பழங்கள் மலச்சிக்கல் பிரச்சனையிலிருந்து விடுபட உதவும். இது செரிமானத்தை சீராக்கலாம். இதை மிருதுவாக்கிகளாக்கி குடிக்கலாம். அப்படியே சாப்பிடலாம்.
தவிர்க்க வேண்டிய உணவுகள்
கர்ப்பகாலத்தின் மூன்றாவது மூன்று மாதங்களில் தவிர்க்க வேண்டியவை உப்பு நிறைந்த உருளைக்கிழங்கு சிப்ஸ், உப்பு நிறைந்த வறுவல், பொரியல் என உப்பு நிறைந்த உணவுகளை தவிர்க்க வேண்டும்.
காய்கறிகளை சமைக்காமல் அப்படியே பச்சையாக சாப்பிட கூடாது. இது வாய்வு பிரச்சனைக்கு வழிவகுக்கும். அதனால் நன்றாக வேகவைத்து காய்கறிகளை சாப்பிடுங்கள்.
அதிக காரமான உணவுகள் கர்ப்பகாலத்தில் அஜீரணம் மற்றும் நெஞ்செரிச்சல் போன்றவை உண்டாக்கும். அதனால் கடைசி மூன்றூ மாதங்களில் இதை அதிகமாக்காமல் அளவாக எடுக்க வேண்டும்.
