26.3 C
Jaffna
January 19, 2022
ஆன்மிகம்

உங்கள் ராசிப்படி உங்களிடம் ஒளிந்திருக்கும் திறமை என்ன தெரியுமா?

நம்மில் ஒவ்வொருவருக்கும் ஒரு திறமை ஒளிந்திருக்கிறது என பல வெற்றி பெற்ற ஆன்றோர், சான்றோர் கூறி கேட்டிருப்போம். ஆனால் பெரியளவில் முன்னேற முடியாமல் தடுமாறிக் கொண்டிருப்பவர்களுக்கு, தன்னுள் என்ன அடிப்படை திறமை இருக்கிறது என தெரியாமல் அதை வைத்து முன்னேற முடியாமல் தவித்துக் கொண்டிருப்பார்கள்.உண்மையில் ஒவ்வொரு ராசியினருக்கும், ஒரு குறிப்பிட்ட குணம், சுபாவம் கொண்டுள்ளதை ஜோதிடம் உணர்த்துவது போல, ஒவ்வொரு ராசியினருக்கும் உள்ள ஒரு குறிப்பட்ட திறமை, பண்புகள் என்ன என்பதை ராசிவாரியாக விரிவாக பார்ப்போம்.

​மேஷம்

மேஷ ராசியினர் அவர்களின் தலைமைத்துவ திறமை மற்றும் தலைசிறந்த ஆளுமை ஆகியவற்றால் நன்கு அறியப்படுபவர்களாவர். இவர்கள் தலைமை ஏற்க தயங்கினாலும், பொறுப்பை ஏற்றுக் கொண்டால் சிறப்பாக செய்து முடிப்பார்கள். செவ்வாய் கிரகத்தால் ஆளப்படுவதால் இவர்கள் வீரம், தன்னம்பிக்கை நிறைந்தவர்களாக இருப்பார்கள். எதேனும் விளையாட்டு அல்லது உடல் செயல்பாடுகள் அதிகம் கொண்ட செயல்களில் சிறப்பான வெற்றி அடையும் திறமை கொண்டவர்கள். இவர்களிடம் மறைந்து கிடக்கும் திறமையாக நடனம் மற்றும் உடல் வலிமையும் அடங்கும்.

​ரிஷபம்

ரிஷப ராசியினர் நில ராசியாகும். இவர்கள் மிகுந்த நம்பகத் தன்மை கொண்டவர்கள். எப்போதும் தங்கள் செயல்களுக்கான முடிவை தானே எடுப்பார்கள். இவர்கள் சுக்கிரனால் ஆளப்படுபவர்கள் என்பதால் சுக போகங்கள், ஆடம்பரமான வாழ்க்கையை முழுமையாக அனுபவிக்கிறார்கள். சுவையான உணவை எடுத்துக் கொள்ள நினைப்பார்கள். இவர்களிடம் ஒளிந்திருக்கும் திறமை என்னவென்றால் சமையலில் கைதேர்ந்தவர்களாகவும், கைவினை பொருட்கள் செய்தல் மற்றும் ஓவியம் ஆகியவை அடங்கும்.

​மிதுனம்

புதனால் ஆளப்படக்கூடிய மிதுன ராசியினர் தர்க்கரீதியான மற்றும் ஞானவானாக அறியப்படக் கூடியவர்கள். காற்று ராசியான மிதுனம் ராசியினர் பட்டாம்பூச்சி போல மனதால் பறக்கக்கூடியவர்கள். இவர்கள் தங்கள் வார்த்தைகளாலும் அறிவாலும் ஆச்சரியப்படுத்தக்கூடியவர்கள். இவர்களிடம் ஒளிந்திருக்கும் திறமை என்னவென்றால் எழுத்தாளராக, பாடலாசிரியராக மற்றும் பேச்சில் வல்லவ்ராக இருப்பார்கள். சொல்லப்போனால் பேச்சால் பிழைப்பவர்கள் எனலாம்.

​கடகம்

சந்திரனால் ஆளப்படக்கூடிய கடக ராசியினர் உணர்ச்சிகளால் ஆட்கொள்ளப்படுபவர்கள்.இவர்கள் இயற்கையிலேயே ஒரு படைப்பாளிகள் எனலாம். இவர்கள் மற்றவர்களுக்கு பாதுகாப்பு அரணாக, பாதுகாப்பு வசதியான இடங்களை உருவாக்குவதில் திறமை படைத்தவர்கள். இவர்களின் தனித்திறமையாக நடிப்பு, நடனம், கட்டிடக் கலைஞர் என பல கலைத் துறையில் வல்லவர்களாக இருப்பார்கள்.

​சிம்மம்

சிம்ம ராசியினரின் பலம் மற்றும் பலவீனம் இவர்களின் நம்பிக்கை. இவர்கள் தங்களின் ஆளுமையால் மற்றவர்களின் கவனத்தை ஈர்க்கக்கூடியவர்கள். இவர்களின் விசேஷ குணம் மற்றவர்களை அனுசரித்து செல்லும் பெரிய இதயம். ஆனால் இவர்களை சுற்றியுள்ளவர்களுக்கு அது பிடிக்காது.

இவர்களிடம் ஒளிந்திருக்கும் திறமை ஃபேஷன் / வாழ்க்கை முறை, நிதி மேலாண்மை மற்றும் நிகழ்ச்சிகளுக்கான திட்டமிடல்.

​கன்னி

கன்னி ராசியினர் பரிபூரண வாதிகள். இவர்கள் மற்றவர்களின் உணர்வுகளை போற்றக்கூடியவர்கள். இவர்கள் தங்களின் கலைத் திறமையால் மற்றவர்களை கவரக்கூடியவர்கள். பெண்களுக்கு இவர்களை அதிகம் பிடிக்கும். இவர்களின் மறைக்கப்பட்ட திறமையில் எழுத்து மற்றும் நிகழ்ச்சிகளை திட்டமிடல் ஆகியவை அடங்கும்.

​துலாம்

துலாம் ராசியினர் எப்போதும் சமநிலை, நல்லிணக்கம் மற்றும் உறவுகளை அனுசரித்துச் செல்லக்கூடியவர்கள். சுக்கிரனால் ஆளப்படும் துலாம் காற்று ராசியினர். இவர்கள் நேர்த்தியாக இருப்பதோடு, கவர்ச்சியால் அறியப்படுபவர்கள். இவர்களிடம் மறைக்கப்பட்ட திறமை என்னவென்றால் எதையும் சரியாக பொருத்தக்கூடியவர்கள். இதனால் கட்டிட உள் வடிவமைப்பாளராக இருப்பது, கட்டிடக்கலை, நீதித்துறை, வழக்கறிஞர் என அடங்கும்.

விருச்சிகம்

நீர் ராசியாக தேள் போல இருக்கும் விருச்சிக ராசியினர் திரீவிரமாகவும், ஆழமாகவும் சிந்திக்கக் கூடியவர்கள். இவர்களின் தனித்துவம் என்னவெனில் இவர்கள் யாரையும் எளிதில் சமாளிக்க மற்றும் சம்மதிக்க வைக்க முடியும். இயற்கை மீது ஆரவமுள்ளவர்கள். இவர்கள் பொய் சொல்பவர்களை எளிதில் கண்டறிந்துவிடுவார்கள். சிறந்த உளவியலாளர்கள். இவர்களிடம் மறைந்திருக்கும் திறமையாக அறிவியல், விஞ்ஞானம் மற்றும் விசாரணை செய்வதில் கிள்ளாடிகள் ஆவர்.

தனுசு

தனுசு ராசியினர் மிகவும் நம்பிக்கைக்குரியவர்கள். இவர்கள் நேர்மை மற்றும் ஒழுக்கத்தை வலுவாக வெளிப்படுத்துபவர்கள். சில நேரங்களில் மிகவும் ஆபத்தை விளைவிப்பவர்களாக இருப்பார்கள். வியாழனால் ஆளப்படுவதால், அதிர்ஷ்டம் எப்போதும்அவர்களுக்கு சாதகமாக இருக்கும். அவர்களிடம் ஒளிந்திருக்கும் திறமை பத்திரிகை மற்றும் பங்கு வர்த்தகம்.

​மகரம்

மகர ராசியினர் புத்திசாலிகள் மற்றும் பொறுப்பு மிக்கவர்கள். இவர்களின் நகைச்சுவை உணர்வு சிறப்பானது. இந்த ராசியை ஆட்சி செய்யும் சனி சமூகத்தை தன் பக்கம் ஈர்க்கும் நபராக இருப்பார்கள். இவர்களிடம் மறைந்திருக்கும் திறமையாக நகைச்சுவை மற்றும் நிகழ்ச்சிகளை நடத்தும் திறமை உள்ளது.

​கும்பம்

கும்ப ராசியினர் எதையும் ஆர்வமாக கற்றுக் கொள்வார்கள். ஆக்கப்பூர்வமான மற்றும் சமூக பொறுப்புள்ளவர்கள். இவர்கள் வழக்கத்திற்கு மாறானவர்கள் மற்றும் தங்கள் சொந்த இசைக்கு மட்டுமே நடனமாடுவார்கள். அதாவது சொந்த யோசனைப்படி நடந்து கொள்வார்கள். அவர்களிடம் பேஷன் டிசைனிங் மற்றும் புகைப்படம் எடுத்தல் போன்ற திறமைகள் ஒளிந்திருக்கும்.

​மீனம்

ஒவ்வொரு சூழ்நிலையிலும் நல்லதைக் கண்டு கொள்வதில் மீன ராசியினர் நிபுணர்கள். குருவால் ஆளப்படுவதும், நீர் அடையாள கொண்டவர்கள் என்பதால் அதற்கேற்ற ஆழ்ந்த உணர்வுகளால் இயக்கப்படுபவர்கள். இவர்கள் தங்களின் கனவுகளாலே தான் நினைத்ததை அடைந்துவிட்டதாக நினைத்துக் கொள்வார்கள். எப்போதும் நேர்மறையுடன் சிந்திக்கும் இவர்களிடம் ஒரு சிறந்த சிந்தனையாளர் ஓவியர் ஒளிந்திருக்கக்கூடும்.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

திசாபுத்திக்கேற்ப விரதம் இருந்து வழிபட வேண்டிய தெய்வங்கள்!

divya divya

ராசிபலன் (25.05.2021)

divya divya

இன்றைய நாளுக்கான ராசிபலன் (04 மே 2021)

divya divya

Leave a Comment

error: Alert: Content is protected !!