ஏறத்தாழ 27 ஆண்டு திருமண வாழ்க்கைக்கு பிறகு பில் கேட்ஸ் தனது மனைவியை விவாகரத்து செய்துள்ளார்.இந்த விவாகரத்தின் மதிப்பு 130 பில்லியன் டாலர்கள் இருக்கும் என கணிக்கப்படுகிறது.இதே போல மிக விலை உயர்ந்த விவாகரத்துகள் வரலாற்றில் பணக்காரர்கள் இடையே நடந்துள்ளது.
20,000 பேருக்கு மேல இப்போ என்ன பண்ணிட்டு இருக்காங்க தெரியுமா? நீங்களே பாருங்க
திருமணத்திற்கு பிறகு தம்பதிகள் இருவருக்கும் இடையே உறவில் விரிசல் ஏற்படும் நிலையில் விவாகரத்து ஏற்படுகிறது. திருமணமான 27 வருடங்களுக்கு பிறகு மைக்ரோசாப்ட் இணை நிறுவனரான பில்கேட்ஸ் தனது 65 வயதில் அவரது 56 வயதான மனைவியான மெலிண்டாவை விவாகரத்து செய்துக்கொள்வதாக கூறினார்.
இந்த செய்தி உலகம் முழுவதும் மிகவும் பரபரப்பானது. எப்படி இருந்தாலும் தங்களது பில் மற்றும் மெலிண்டா அறக்கட்டளைக்கு இதன் மூலம் எந்த பிரச்சனையும் வராது என்றும் விவாகரத்து பிறகும் இருவரும் தொடர்ந்து செயல்படுவோம் எனவும் அவர்கள் கூறியுள்ளனர்.
130 பில்லியன் டாலர் சொத்துக்களை கொண்டுள்ள இந்த ஜோடி விலை உயர்ந்த விவாகரத்துகளின் தர வரிசையில் முதல் இடத்தில் இருக்கின்றனர்.
இதற்கு முன்பு இருந்த விலை உயர்ந்த ஐந்து விவாகரத்துகள்….
-
ஜெஃப் பெசோஸ் மற்றும் மெக்கென்சி ஸ்காட்
2019 ஜூலை மாதம் உலக புகழ்பெற்ற நிறுவனமான அமேசான் நிறுவனத்தின் நிறுவனரான ஜெஃப் பெசோஸ் 25 வருட திருமண வாழ்க்கைக்கு பிறகு தனது மனைவியுடன் விவாகரத்து வாங்கி கொள்வதாக கூறினார். ஆனால் அந்த விவாகரத்தானது பணக்காரர்கள் பட்டியில் மூன்றாவது பெண் பணக்காரராக மெக்கன்ஸியை மாற்றியது.
இந்த விவாகரத்து காரணமாக பெசோஸ் மெக்கன்ஸிக்கு 36 பில்லியன் டாலர்கள் கொடுக்க வேண்டி இருந்ததால் இது மிகப்பெரும் பணக்கார விவாகரத்தாக கருதப்படுகிறது. இந்த ஆண்டு (2021) மார்ச் ஸ்காட் சியாட்டிலில் உள்ள ஒரு அறிவியல் ஆசிரியரை திருமணம் செய்துக்கொண்டார்.
-
ஜோசலின் மற்றும் அலெக் வைல்டன்ஸ்டீன்
1990 களில் ஒரு விலை உயர்ந்த விவாகரத்தாக ஜோசலின் மற்றும் அலெக் விவாகரத்து பார்க்கப்படுகிறது. 2.5 பில்லியன் டாலர்கள் ஜோசலின் வைல்டன்ஸ்டைனுக்கு வழங்கப்பட்டது. அந்த காலத்தில் அது மிகப்பெரிய தொகை ஆகும்.
-
எலான் மஸ்க் மற்றும் ஜஸ்டின் மஸ்க்
எலான் மஸ்க் துலூலா ரிலே எனும் நடிகையை திருமணம் செய்தார். 2012 ஆம் ஆண்டு இந்த ஜோடி முதன் முதலாக பிரிந்த போது ஜஸ்டின் 4.5 மில்லியன் அமெரிக்க டாலருடன் வெளியேறினார். ஆனால் விவாகரத்து செய்து ஒரு வருடம் கழித்து மீண்டும் மஸ்க் அவரையே திருமணம் செய்துக்கொண்டார். பிறகு 2015 ஆம் ஆண்டு மீண்டும் 16 மில்லியன் டாலர் செட்டில்மென்ட் கொடுத்து விவாகரத்து செய்தார்.
-
பெர்னி மற்றும் ஸ்லாவிகா எக்லேஸ்டோன்
பார்முலா 1 என்ற நிறுவனத்தின் முன்னாள் முதலாளியாக இருந்தவர் பெர்னி. இவர் தனக்கு திருமணமாகி 24 வருடங்களுக்கு பிறகு தனது இணையான ஸ்லாவிகாவிடம் இருந்து விவாகரத்து பெற்றார். அதன் பிறகு அவர்களை பற்றிய விவரங்கள் பெரிதாக இல்லை என்றாலும் பெர்னி தனது முன்னாள் மனைவிக்கு 1.2 பில்லியன் டாலர்கள் செலுத்தியதாக நம்பப்படுகிறது.
-
டைகர் உட்ஸ் மற்றும் எலின் நோர்டெக்ரேன்
2004 ஆம் ஆண்டு டைகர் உட்ஸும் எலின் நோர்டென்ரேன்னும் திருமணம் செய்துக்கொண்டனர். ஆனால் 2009 இல் டைகர் உட்ஸ் ஒரு க்ளப் மேலாளாருடன் உறவு வைத்திருப்பதாக தகவல்கள் வெளியான நிலையில் அவர்களுடைய உறவில் விரிசல் ஏற்பட்டது. அவர்கள் விவாகரத்து செய்துக்கொண்டனர். எலின் நோர்டெக்ரேன் ஒரு வருடம் கழித்து 110 மில்லியன் டாலர்களை பெற்றார்
