31.3 C
Jaffna
May 8, 2021

சினிமா

ஷங்கர், லிங்குசாமியை அடுத்து ஏ.ஆர். முருகதாஸும் தெலுங்கு ஹீரோவை வைத்து படம் இயக்கப் போகிறாராம்!

தளபதி 65 படத்தில் இருந்து விலகிய ஏ.ஆர். முருகதாஸ் பிரபல தெலுங்கு நடிகர் அல்லு அர்ஜுனை வைத்து படம் எடுக்க முடிவு செய்திருப்பதாக தகவல் வெளியாகி தீயாக பரவியிருக்கிறது.

சன் பிக்சர்ஸ் நிறுவனம் தயாரிப்பில் விஜய் நடித்து வரும் தளபதி 65 படத்தை ஏ.ஆர். முருகதாஸ் தான் இயக்குவதாக இருந்தது. ஆனால் அவர் சொன்ன கதை பிடிக்காமல் திருத்தம் செய்யச் சொன்னாராம் விஜய். கதையை இரண்டு முறை திருத்தியும் விஜய்க்கு பிடிக்கவில்லையாம். இதையடுத்து தளபதி 65 படத்தில் இருந்து வெளியேறினார் முருகதாஸ். அதன் பிறகே நெல்சன் திலீப்குமாரை வைத்து தளபதி 65 பட வேலையை ஆரம்பித்தனர். தளபதி 65 படத்தில் இருந்து வெளியேறிய முருகதாஸ் எந்த ஹீரோவுமே வேண்டாம் என்று அனிமேஷன் படத்தை இயக்கப் போவதாக கூறப்பட்டது. ஆனால் அனிமேஷன் படம் எடுக்க நேரம் வேண்டுமாம். அதனால் அதற்குள் ஒரு ஹீரோவை வைத்து படம் இயக்க முடிவு செய்துள்ளாராம்.

அல்லு அர்ஜுனை வைத்து படம் பண்ணப் போகிறார் முருகதாஸ் என்று கூறப்படுகிறது. அந்த படத்தை அல்லு அர்ஜுனின் தந்தை அல்லு அரவிந்த் தன் கீதா ஆர்ட்ஸ் நிறுவனம் மூலம் தயாரிக்கவிருக்கிறாராம். அந்த படத்தை பல மொழிகளில் வெளியிட திட்டமிட்டுள்ளார்களாம். சிவகார்த்திகேயனை வைத்து முருகதாஸ் படம் இயக்கப் போகிறார் என்று கூட பேச்சு கிளம்பியது. ஆனால் அது வெறும் வதந்தியாகவே இருக்கிறது.

தெலுங்கு ஹீரோக்களை வைத்து படம் பண்ண தமிழ் இயக்குநர்கள் ஆர்வம் காட்டி வருகிறார்கள். ராம் சரணை வைத்து ஷங்கர் ஒரு படத்தை இயக்கவிருக்கிறார். ராம் போத்தினேனியின் படத்தை லிங்குசாமி இயக்குகிறார். இந்நிலையில் தான் அல்லு அர்ஜுனை முருகதாஸ் இயக்கப் போகிறாராம். முன்னதாக ரஜினிகாந்தின் தர்பாரை படத்தை இயக்கினார் முருகதாஸ். அந்த படத்திற்கு எதிர்பார்த்த அளவுக்கு வரவேற்பு கிடைக்கவில்லை. படத்தை பார்த்தவர்கள் இதை நிஜமாகவே முருகதாஸ் தான் இயக்கினாரா என்று வியந்து கேட்டார்கள்.

தர்பார் படத்தை முழுவதுமாக பார்க்கும் அளவுக்கு பொறுமை இல்லை என்று பலரும் தெரிவித்தனர். மேலும் நயன்தாராவை டம்மி பீஸாக்கிவிட்டதாக அவரின் ரசிகர்கள் வேறு கொந்தளித்தனர். தர்பாருக்கு பிறகே முருகதாஸின் கெரியர் டல்லடிக்க ஆரம்பித்தது. அல்லு அர்ஜுன் படம் மட்டும் வெற்றி பெற்றுவிட்டால் முருகதாஸின் நிலைமை பழையபடி நன்றாகிவிடும். மேலும் அவர் விஜய்யுடன் சேர்ந்து மீண்டும் படம் பண்ணும் வாய்ப்பும் ஏற்படும்.

Related posts

ஜகமே தந்திரம் படம் வெளியாகுவதில் சிக்கல்

Pagetamil

கொரோனா தொற்றால் இயக்குனர் தாமிரா காலமானார்!

Pagetamil

ரொமான்ஸ் காட்சியில் மல்லாக்க விழுந்த பிரியா வாரியர்!

Pagetamil

Leave a Comment