93வது ஒஸ்கார் விருது வழங்கும் விழா அமெரிக்காவின் லொஸ் ஏஞ்சல்ஸ் நகரில் நடைபெற்று வருகிறது. கொரேனா பரவல் காரணமாக இந்நிகழ்ச்சி காணொளி மூலம் நடைபெறுகிறது.
உலக அளவில் சினிமாதுறையில் பல்வேறு பிரிவுகளில் சிறந்து விளங்குபவர்களுக்கு ஆண்டு தோறும் ஒஸ்கார் விருதுகள் வழங்கப்பட்டு வருகிறது.
அதில் சிறந்த இயக்குனருக்கான ஒஸ்கார் விருதை ‘நோமெட்லெண்ட்’ படத்திற்காக சீன பெண் இயக்குனர் குளோயி சாவ் வென்றார்.
சிறந்த துணை நடிகருக்கான ஒஸ்கார் விருது ஜூடாஸ் அண்ட் தி பிளக் மெசியா படத்தில் நடித்த டெணியல் கலூயா வென்றார். சிறந்த உண்மையான திரைக்கதைக்கான ஒஸ்கார் விருதை ‘பிராமிசிங் யெங் உமன்’ திரைப்படம் வென்றது.
சிறந்த தழுவல் திரைக்கதைக்கான விருதை ‘த ஃபாதர் திரைப்படம் வென்றது. சிறந்த அனிமேஷன் பியூச்சர் திரைப்படத்திற்கான ஒஸ்கார் விருதை ‘சோல்’ திரைப்படம் வென்றது. சிறந்த சர்வதேச பியூச்சர் திரைப்படத்திற்கான ஒஸ்கார் விருதை ‘அன்அதர் ரவுண்ட்’ திரைப்படம் வென்றது.
