தேயிலை தொழிற்சாலையின் உரக்களஞ்சியசாலையின் மேற்கூரையிலிருந்து தவறி விழுந்த குடும்பஸ்தர் ஒருவர் சம்பவ இடத்திலேயே உயிரிழந்துள்ளார்.
ஹற்றன் பொலிஸ் பிரிவிற்குட்பட்ட எபோட்சிலி தோட்ட தேயிலை தொழிற்சாலையின் உரக்களஞ்சியசாலையின் கூரை திருத்த பணியில் ஈடுபட்டிருந்தவரே இவ்வாறு உயிரிழந்தார்.
3 பிள்ளைகளின் தந்தையான சுப்ரமணியம் அருணாசலம் (39) என்பவரே உயிரிழந்தார்.
கூரை திருத்த பணியில் ஈடுபட்டிருந்தவர் நேற்று காலை 11.30 மணியளவில் நிலத்தில் விழுந்துள்ளார். நீண்டநேரத்தின் பின்னரே காவலாளி அதை அவதானித்துள்ளார்.
டிக்கோயா கிளங்கன் வைத்தியசாலைக்கு அவர் எடுத்துச் செல்லப்பட்ட போதும், அவர் ஏற்கனவே உயிரிழந்திருந்ததை வைத்தியர்கள் தெரிவித்தனர்.
ஹற்றன் பொலிசார் மேலதிக விசாரணையில் ஈடுபட்டுள்ளனர்.
