தனக்கு கொரோனா வந்த நிலையில் தன் மருமகளுக்கும் அதை பரப்பும் நோக்கி மாமியார் மருமகளை கட்டிபிடித்த சம்பவம் சமீபத்தில் நடந்துள்ளது .
தெலுங்கானா மாநிலம் ராஜன்னா சிர்சிலா மாவட்டம் நெமிலி குட்டா பகுதியை சேர்ந்த பெண் ஒருவர் கடந்த 3 ஆண்டுகளுக்கு முன்பு காமரெட்டி என்ற பகுதியைச் சேர்ந்த லாரி ஓட்டுநரை காதலித்து திருமணம் செய்துள்ளார். இந்த திருமணம் லாரி ஓட்டுநரின் தாயாருக்கு பிடிக்கவில்லை. இதனால் அடிக்கடி மாமியார், மருமகள் இடையே சண்டை நடந்து வந்துள்ளது. இதற்கிடையில் கொரோனா பரவல் காரணமாக ஊரடங்கு போட்டதால் பிரச்சனை தொடர்ந்து நடந்து கொண்டே இருந்துள்ளது.
இந்நிலையில் கடந்த சில நாட்களுக்கு முன்பு மாமியாருக்கு கொரோனா வைரஸ் பாதிப்பு ஏற்பட்டுள்ளது. இதனால் அவர் மருமகள் மற்றும் பேரக்குழந்தைகளுடன் ஒரே வீட்டில் இருந்தாலும் தனிமைபடுத்தப்பட்டார். குழந்தைகளும் மருமகளும் அவர் இருக்கும் பக்கம் செல்லவே பயந்துள்ளனர்.
இது மாமியாருக்கு பிடிக்கவில்லை. அதனால் அவர் வேண்டுமென்றே தன் மருமகளையும் பேரக்குழந்தைகளையும் கட்டிபிடித்துள்ளார். இதனால் அவர்களுக்கும் கொரோனா பரவியது. அதையே சாக்காக வைத்து மருமகளை மாமியார் வீட்டை விட்டு துரத்திவிட்டார்.
அதன் பின் மருமகள் அவரது சகோதரி வீட்டிற்கு சென்று தன்னை தனிமைப்படுத்திக்கொண்டார். அப்பொழுது கொரோனா பரவல் குறித்து ஆய்வு செய்ய வந்த அதிகாரி நடத்திய விசாரணையில் தான் அத்தனையும் தெரியவந்தது.
மருமகள் மீது உள்ள கோபத்தில் மாமியாரே மருமகளுக்கும், பேர குழந்தைகளுக்கும் கொரோனா வைரஸை பரப்பி விட்டது அப்பகுதியில் பெரும் பரபரப்பை ஏற்படுத்தியுள்ளது.
