புதிய உச்சம்: இந்தியாவில் ஒரேநாளில் 4 இலட்சத்திற்கும் அதிக தொற்றாளர்கள்!

இந்தியாவில் கடந்த 24 மணி நேரத்தில் 4 இலட்சத்திற்கும் அதிகமான கொரொனா தொற்றாளர்கள் பதிவாகியுள்ளனர்.

ஒரே நாளில் 4 இலட்சத்திற்கும் அதிக தொற்றாளர்கள் பதிவான முதலாவது நாடாக இந்தியா பதிவாகியுள்ளது.

கடந்த 24 மணி நேரத்தில் 4 இலட்சத்து 8 ஆயிரம் பேருக்கு தொற்று கண்டறியப்பட்டுள்ளது.

கடந்த 21ம் திகதியன்று முதன்முறையாக 3 இலட்சத்தை கடந்திருந்த எண்ணிக்கை 10 வது நாளில் புதிய உச்சத்தைத் தொட்டுள்ளது.

ஒரே நாளில் அதிகம் பேர் பாதிக்கப்பட்டவர்களின் எண்ணிக்கை அமெரிக்காவில் கடந்த ஆண்டு ஜனவரி மாதம் பதிவாகியிருந்தது. அன்றைய காலகட்டத்தில் அந்நாட்டில் 307,516 பேர் பாதிப்புக்கு உள்ளாகியிருந்தனர்.

இதனிடையே கடந்த ஏப்ரல் மாதத்தில் மட்டும் கொரோனா தொற்றால் இந்தியாவில் 48,768 பேர் உயிரிழந்துள்ளனர்.